ബംഗലൂരു: കനത്തമഴ തുടരുന്നതിനിടെ, ബംഗലൂരുവില് വൈദ്യുതാഘാതമേറ്റ് 23കാരി മരിച്ചു. വെള്ളക്കെട്ടിലായ റോഡ് മുറിച്ചുകടക്കുന്നതിനിടെ, 23കാരി സഞ്ചരിച്ച സ്കൂട്ടര് തെന്നി. വീഴാതാരിക്കാന് 23കാരി സമീപത്തുള്ള വൈദ്യുതി പോസ്റ്റില് കയറിപ്പിടിച്ചു. ഉടന് തന്നെ വൈദ്യുതി പോസ്റ്റില് നിന്ന് വൈദ്യുതാഘാതമേറ്റ് യുവതി വീഴുകയായിരുന്നു.
വൈറ്റ്ഫീല്ഡില് തിങ്കളാഴ്ച രാത്രി 9.30നാണ് സംഭവം. ജോലി കഴിഞ്ഞ് മടങ്ങുമ്പോള് വെള്ളക്കെട്ടിലായ റോഡ് മുറിച്ചു കടക്കുന്നതിനിടെയാണ് അപകടം ഉണ്ടായത്. സ്കൂളില് അഡ്മിനിസ്ട്രേഷന് വിഭാഗത്തില് ജോലി ചെയ്യുന്ന അഖിലയാണ് മരിച്ചത്.
സ്കൂട്ടര് തെന്നിയപ്പോള് വീഴാതിരിക്കാന് വൈദ്യുതി പോസ്റ്റില് കയറിപ്പിടിച്ച യുവതിക്ക് വൈദ്യുതാഘാതമേല്ക്കുകയായിരുന്നു. ഉടന് തന്നെ നിലത്തുവീണ യുവതിയെ ആശുപത്രിയില് എത്തിച്ചെങ്കിലും ജീവന് രക്ഷിക്കാന് സാധിച്ചില്ല. വൈദ്യുതി വിതരണ കമ്പനിയും ബംഗലൂരു കോര്പ്പറേഷനുമാണ് ഇതിന് ഉത്തരവാദികളെന്ന് അഖിലയുടെ മാതാപിതാക്കള് ആരോപിച്ചു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ