ന്യൂഡല്ഹി: ലൈംഗിക പീഡന ആരോപണം നേരിടുന്ന ഗുസ്തി ഫെഡറേഷന് അധ്യക്ഷന് ബ്രിജ് ഭൂഷണ് ശരണ് സിങിനെ അറസ്റ്റ് ചെയ്യണമെന്ന് ആവശ്യപ്പെട്ട് ഗുസ്തി താരങ്ങള് നടത്തിവന്ന സമരം താത്ക്കാലികമായി അവസാനിപ്പിച്ചു.
ബ്രിജ് ഭൂഷണിന് എതിരെ ഈ മാസം 15 നകം കുറ്റപത്രം സമര്പ്പിക്കുമെന്ന് ഗുസ്തി താരങ്ങള്ക്ക് കേന്ദ്ര സര്ക്കാര് ഉറപ്പ് നല്കിയ സാഹചര്യത്തിലാണ് സമരം താത്ക്കാലികമായി നിര്ത്താന് താരങ്ങള് തീരുമാനിച്ചത്. കായിക മന്ത്രി അനുരാഗ് താക്കൂറും താരങ്ങളും തമ്മിലുള്ള ചര്ച്ചയിലാണ് തീരുമാനം.
ഗുസ്തി താരങ്ങളുടെ സമരത്തില് സജീവമായിരുന്ന സാക്ഷി മാലിക് കഴിഞ്ഞ ദിവസം തിരികെ ജോലിയില് പ്രവേശിച്ചിരുന്നു. ആഭ്യന്തര വകുപ്പ് മന്ത്രി അമിത്ഷായുമായുള്ള ചര്ച്ചക്ക് പിന്നാലെയായിരുന്നു തീരുമാനം. ഇതിന് പിന്നാലെ ഗുസ്തി താരങ്ങള് സമരത്തില് നിന്നും പിന്മാറിയെന്ന രീതിയില് വാര്ത്ത പ്രചരിച്ചു. എന്നാല് നോര്ത്തേണ് റെയില്വേയില് ഗസറ്റഡ് റാങ്കിലുള്ള ഉദ്യോഗസ്ഥയായ സാക്ഷി, സമരത്തില് നിന്നും പിന്മാറിയിട്ടില്ലെന്ന് വ്യക്തമാക്കി രംഗത്തുവന്നിരുന്നു.
ഈ വാര്ത്ത കൂടി വായിക്കൂ 'കൂട്ടിയിട്ട മൃതദേഹങ്ങള്ക്കിടയില്നിന്ന് ഒരു കൈ അനങ്ങി, അത് അവനായിരുന്നു'
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ