പിണറായിക്കും ജഗനും കെജരിവാളിനും ക്ഷണമില്ല; കര്ണാടക സത്യപ്രതിജ്ഞയില് മമതയ്ക്കും നിതീഷിനും നവീന് പട്നായിക്കിനും ക്ഷണം
ബംഗളൂരു: കര്ണാടകയിലെ സിദ്ധരാമയ്യ മന്ത്രിസഭയുടെ സത്യപ്രതിജ്ഞ ചടങ്ങിന് മുഖ്യമന്ത്രി പിണറായി വിജയന് ക്ഷണമില്ല. പ്രതിപക്ഷ നേതാക്കളുടെ സംഗമ വേദിയായി മാറുന്ന സത്യപ്രതിജ്ഞ ചടങ്ങില് ഡല്ഹി മുഖ്യമന്ത്രി അരവിന്ദ് കെജരിവാളിനും ആന്ധ്രാപ്രദേശ് മുഖ്യമന്ത്രി ജഗന് മോഹന് റെഡ്ഡിക്കും ക്ഷണമില്ല.
ഛത്തീസ്ഗഡ് മുഖ്യമന്ത്രി ഭൂപേഷ് ബാഗേല്, രാജസ്ഥാന് മുഖ്യമന്ത്രി അശോക് ഗെഹ്ലോട്ട്, ഹിമാചല് മുഖ്യമന്ത്രി സുഖ് വീന്ദര് സിങ് സുഖു, ജാര്ഖണ്ഡ് മുഖ്യമന്ത്രി ഹേമന്ദ് സോറന്, തമിഴ്നാട് മുഖ്യമന്ത്രി എംകെ സ്റ്റാലിന്, തെലങ്കാന മുഖ്യമന്ത്രി കെ ചന്ദ്രശേഖര് റാവു, ബംഗാള് മുഖ്യമന്ത്രി മമത ബാനര്ജി, സമാജ്വാദി പാര്ട്ടി അധ്യക്ഷന് അഖിലേഷ് യാദവ്, എന്സിപി അധ്യക്ഷന് ശരദ് പവാര്, മഹാരാഷ്ട്ര മുന് മുഖ്യമന്ത്രി ഉദ്ദവ് താക്കറെ, ബിഹാര് ഉപമുഖ്യമന്ത്രി തേജസ്വി യാദവ്, നാഷണല് കോണ്ഫറന്സ് അധ്യക്ഷന് ഫറൂഫ് അബ്ദുള്ള, ഒഡീഷ മുഖ്യമന്ത്രി നവീന് പട്നായിക്, ബിഹാര് മുഖ്യമന്ത്രി നിതീഷ് കുമാര് എന്നിവര്ക്കാണ് ക്ഷണമുള്ളത്.
സോണിയ ഗാന്ധി, പ്രിയങ്ക ഗാന്ധി, രാഹുല് ഗാന്ധി, മല്ലികാര്ജുന് ഖാര്ഗെ എന്നിവരാണ് കോണ്ഗ്രസ് ദേശീയ നേതൃത്വത്തില് നിന്ന് സത്യപ്രതിജ്ഞ ചടങ്ങിന് എത്തുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
