ഡൽഹി: തർക്കത്തിനിടെ 18കാരനെ സ്ക്രൂഡ്രൈവർ കൊണ്ട് കുത്തിക്കൊന്ന കേസിൽ പ്രായപൂർത്തിയാകാത്ത രണ്ട് പേർ പിടിയിൽ. ഡൽഹി സ്വദേശിയായ കാശിഫാണ് കൊല്ലപ്പെട്ടത്. നോർത്ത് ഈസ്റ്റ് ഡൽഹിയിൽ ശനിയാഴ്ച രണ്ടരയോടെയാണ് സംഭവം. കൊല്ലപ്പെട്ട കാശിഫും വിദ്യാർഥികൾക്കുമിടയിൽ പ്രശ്നങ്ങളുണ്ടായിരുന്നു.
തർക്കത്തിനിടെ വിദ്യാർഥികളെ കാശിഫ് സ്ക്രൂഡ്രൈവർ കാട്ടി ഭീഷണിപ്പെടുത്തുകയായിരുന്നു. തുടർന്ന് ഇയാളുടെ കയ്യിൽ നിന്നും സ്ക്രൂഡ്രൈവർ പിടിച്ചു വാങ്ങിയ കുട്ടികളിൽ ഒരാൾ ഇയാളുടെ നെഞ്ചിൽ കുത്തുകയായിരുന്നു എന്ന് ഡൽഹി ഡെപ്യൂട്ടി പൊലീസ് കമ്മിഷണർ ജോയ് തിർക്കി പറഞ്ഞു.
നെഞ്ചിൽ പല തവണ കുത്തേറ്റ കാശിഫിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അറസ്റ്റിലായ രണ്ട് പേർക്കും 15 വയസാണ്. ഇരുവർക്കുമെതിരെ കൊലക്കുറ്റത്തിന് കേസെടുത്തതായി പൊലീസ് അറിയിച്ചു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ