'ഇതാ പുതിയ രാവണൻ, ധർമത്തിനും രാമനും എതിരെ പ്രവർത്തിക്കുന്നവൻ'- പത്ത് തലയും പടച്ചട്ടയുമായി രാഹുലിന്റെ ചിത്രം

ന്യൂഡൽഹി: കോൺ​ഗ്രസ് നേതാവ് രാഹുൽ ​ഗാന്ധിയെ രാവണനോടു ഉപമിച്ച് ബിജെപി. ഔദ്യോ​ഗിക എക്സ് പേജിലാണ് പത്ത് തലകളുള്ള, പടച്ചട്ട അണിഞ്ഞു നിൽക്കുന്ന രാഹുലിന്റെ ചിത്രമാണ് ബിജെപി പങ്കിട്ടത്. രാവൺ സിനിമ പോസ്റ്ററിനോടു സാദൃശ്യപ്പെടുത്തിയാണ് ചിത്രം. 

രാവൺ, സംവിധാനം ജോർജ് സോറോസ്, നിർമാണം കോൺ​ഗ്രസ് പാർട്ടി എന്നും ചിത്രത്തിലുണ്ട്. ധർമത്തിനും രാമനും എതിരെ പ്രവർത്തിക്കുന്ന പുതു തലമുറയിലെ രാവണൻ എന്നാണ് ചിത്രം പങ്കിട്ട് ബിജെപി കുറിച്ചത്. 

'ഇതാ പുതിയ തലമുറയിലെ രാവണൻ. അദ്ദേഹം തിന്മയാണ്. ധർമത്തിനും രാമനും എതിരെ പ്രവർത്തിക്കുന്നവൻ. ഭാരതത്തെ തകർക്കുകയാണ് അവൻ ലക്ഷ്യമിടുന്നത്'- പേജിൽ കുറിച്ചു. 

ഈ വാർത്ത കൂടി വായിക്കൂ 

സിസോദിയക്കെതിരെ തെളിവുകള്‍ എവിടെ?; മദ്യനയ അഴിമതിയില്‍ ചോദ്യങ്ങളുമായി സുപ്രീംകോടതി

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ