ന്യൂഡല്‍ഹി: പ്രധാനമന്ത്രി നരേന്ദ്ര മോദി രചിച്ച 'ഗര്‍ബോ' എന്ന ഗാനത്തിന് വന്‍ സ്വീകാര്യതയാണ് ലഭിച്ചിരിക്കുന്നത്. യൂട്യൂബില്‍ റിലീസ് ചെയ്ത് മണിക്കൂറുകള്‍ക്കുള്ളില്‍ തന്നെ ഗാനം ഹിറ്റായി മാറി. നരേന്ദ്ര മോദിയുടെ വരികള്‍ക്ക് ഈണം നല്‍കിയിരിക്കുന്നത് സംഗീതസംവിധായകനായ തനിഷ്‌ക് ബാഗ്ചിയാണ്. ഗാനമാലപിച്ചിരിക്കുന്നത് ഹിറ്റ് ഗായിക ധ്വനി ഭാനുശാലിയും. നവരാത്രി ആഘോഷങ്ങളുടെ ഭാഗമായാണ് ഗാനം റിലീസ് ചെയ്തിരിക്കുന്നത്.
കുറച്ചുവര്‍ഷങ്ങള്‍ക്ക് മുമ്പ് മോദി രചിച്ച വരികളാണ് തനിഷ്‌കും ധ്വനിയും ചേര്‍ന്ന് മനോഹരമായ ഗര്‍ബ ഗാനമാക്കി മാറ്റിയിരിക്കുന്നത്. ഗുജറാത്തിലെ നവരാത്രി ആഘോഷങ്ങളില്‍ അവതരിപ്പിക്കപ്പെടുന്ന പ്രധാന നൃത്തരൂപം ആണ് ഗര്‍ബ.
അഭിനേതാവും നിര്‍മാതാവുമായ ജാക്കി ഭഗ്‌നാനിയുടെ മ്യൂസിക് ലേബലായ ജസ്റ്റ് മ്യൂസിക്കാണ് ഗാനം റിലീസ് ചെയ്തിരിക്കുന്നത്.
തനിഷ്‌കിനും ജസ്റ്റ് മ്യൂസിക് ടീമിനും നന്ദിയറിയിച്ചുകൊണ്ട് ഗാനം പ്രധാനമന്ത്രി തന്നെ സാമൂഹികമാധ്യമങ്ങളില്‍ ഷെയര്‍ ചെയ്തിട്ടുണ്ട്. 'ഇതെന്നെ പഴയ ഓര്‍മകളിലേക്ക് തിരികെ കൊണ്ടുപോകുന്നു. കഴിഞ്ഞ കുറച്ചുകാലമായി ഞാന്‍ എഴുത്തില്‍ നിന്ന് വിട്ടുനില്‍ക്കുകയായിരുന്നു. എങ്കിലും അടുത്ത ദിവസങ്ങളില്‍ ഞാന്‍ പുതിയൊരു ഗര്‍ബ ഗാനം കൂടി രചിച്ചു. അത് നവരാത്രി ദിനത്തില്‍ ഞാന്‍ പങ്കുവെക്കുന്നതാണ് ' എന്ന കുറിപ്പോടുകൂടിയാണ് മോദി ഗാനം ഷെയര്‍ ചെയ്തിരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
