ഇംഫാല്: മണിപ്പൂരില് സായുധ സേനയുടെ പ്രത്യേക അധികാര നിയമം (അഫ്സ്പ) ആറ് മാസത്തേക്ക് കൂടി നീട്ടി. തലസ്ഥാന നഗരമായ ഇംഫാല് ഉള്പ്പെടെ 19 പൊലീസ് സ്റ്റേഷന് പരിധിയിലുള്ള പ്രദേശങ്ങളെ നിയമത്തില് നിന്ന് ഒഴിവാക്കിയിട്ടുണ്ട്. കലാപത്തിന് അയവില്ലാത്ത സാഹചര്യത്തിലാണ് അഫ്സ്പ നീട്ടിയത്.
രണ്ട് വിദ്യാര്ത്ഥികളെ ആയുധധാരികളായ ഒരു സംഘം തട്ടിക്കൊണ്ടുപോയി ക്രൂരമായി കൊലപ്പെടുത്തിയ സംഭവത്തെത്തുടര്ന്ന് വീണ്ടും കലാപം പൊട്ടിപ്പുറപ്പെടുകയായിരുന്നു. അഞ്ച് മാസത്തെ മൊബൈല് ഇന്റര്നെറ്റ് സേവനങ്ങള്ക്കുള്ള നിരോധനം സര്ക്കാര് നീക്കിയതിന് പിന്നാലെ വിദ്യാര്ത്ഥികളുടെ മൃതദേഹങ്ങളുടെ ചിത്രങ്ങള് സാമൂഹ്യ മാധ്യമങ്ങളില് പ്രചരിക്കുകയായിരുന്നു.
ജൂലൈയിലാണ് രണ്ട് വിദ്യാര്ത്ഥികളെ കാണാതെയായത്. ഇരുപതും പത്തൊന്പതും വയസ്സുള്ള വിദ്യാര്ത്ഥികള് ഒളിച്ചോടിയതാണെന്നാണ് പ്രാഥമിക അന്വേഷണത്തില് വ്യക്തമാകുന്നതെന്ന് മണിപ്പൂര് പൊലീസ് പറഞ്ഞിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ