മുംബൈ: മഹാരാഷ്ട്രയിലെ ബുല്‍ദാന ജില്ലയില്‍ ഗര്‍ഭസ്ഥ ശിശുവിനുള്ളില്‍ മറ്റൊരു ഭ്രൂണം എന്ന അത്യപൂര്‍വ അവസ്ഥ കണ്ടെത്തി. 32 കാരിയായ ഗര്‍ഭിണിക്കാണ് ഈ അപൂര്‍വ അവസ്ഥ. 'ഫീറ്റസ് ഇന്‍ ഫീറ്റു' എന്നാണ് ഈ അപൂര്‍വ ഗര്‍ഭ ധാരണത്തിന് പറയുന്നത്.
35 ആഴ്ച ഗര്‍ഭിണിയായ സ്ത്രീ പതിവ് പരിശോധനയ്ക്കായി പോയപ്പോഴാണ് ഈ അപൂര്‍വ അവസ്ഥ ഡോക്ടര്‍മാര്‍ കണ്ടെത്തിയത്. ലോകത്ത് തന്നെ അഞ്ച് ലക്ഷത്തില്‍ ഒന്ന് മാത്രമാണ് ഈ അവസ്ഥ ഉണ്ടാകുന്നതെന്ന് ഗൈനക്കോളജിസ്റ്റ് ഡോ.ആര്‍ പ്രസാദ് പറഞ്ഞു.
ലോകത്താകെ ഇതുവരെ 200 കേസുകളാണ് ഇത്തരത്തില്‍ റിപ്പോര്‍ട്ട് ചെയ്തിട്ടുള്ളത്. അതും പ്രസവശേഷമാണ് കണ്ടെത്തിയിട്ടുള്ളത്. ഇതില്‍ ഇന്ത്യയില്‍ 10-15 കേസുകളാണ് റിപ്പോര്‍ട്ട് ചെയ്തത്. സുരക്ഷിതമായ പ്രവസത്തിനായി കൂടുതല്‍ സൗകര്യങ്ങളുള്ള മറ്റൊരാശുപത്രിയിലേയ്ക്ക് സ്ത്രീയെ മാറ്റി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
