ന്യൂഡെല്‍ഹി: രാജ്യത്തെ ആഡംബര കാര്‍ വിപണിയില്‍ മുന്‍നിരക്കാരായ മെഴ്‌സിഡസ് ബെന്‍സ് തങ്ങളുടെ ഇന്ത്യന്‍ നിര്‍മിത കാറുകള്‍ക്ക് ഒന്നര ലക്ഷം മുതല്‍ ഏഴര ലക്ഷം രൂപവരെ വില കുറച്ചു. ചരക്കു സേവന നികുതിയുടെ (ജിഎസ്ടി) ആനുകൂല്യും ഉപഭോക്താക്കള്‍ക്ക് നല്‍കുകയാണെന്ന് കമ്പനി പ്രഖ്യാപിച്ചു.
ഇന്ത്യയില്‍ നിര്‍മിച്ച സിഎല്‍എ, ജിഎല്‍എ, സി ക്ലാസ്, ഇ ക്ലാസ്, എസ് ക്ലാസ്, ജിഎല്‍സി, ജിഎല്‍ഇ, ജിഎല്‍എസ്, മെഴ്‌സിഡസ് മെയ്ബാക്ക് എസ് 500 എന്നീ ഒന്‍പത് മോഡലുകളുടെ വിലയാണ് ഏഴര ലക്ഷം രൂപ വരെ കുറയുക.
ജിഎസ്ടി പ്രാബല്യത്തില്‍ വരുന്നതിന് മുമ്പായി കമ്പനി നല്‍കുന്ന ആനുകൂല്യങ്ങള്‍ക്ക് ഇപ്പോള്‍ മുതല്‍ ജൂണ്‍ അവസാനം വരെയായിരിക്കും കാലാവധിയെന്ന് കമ്പനി മേധാവി റോളണ്ട് ഫോഗര്‍ വ്യക്തമാക്കി. ഇറക്കുമതി ചെയ്യുന്ന മോഡലുകളുടെ വിലയുടെ കാര്യത്തില്‍ കമ്പനി ഇതുവരെ തീരുമാനം കൈകൊണ്ടിട്ടില്ല.
ജിഎസ്ടി പ്രാബല്യത്തില്‍ വരുന്നതോടെ ഏറ്റവും നേട്ടമുണ്ടാവുക ആഡംബര വാഹന വിപണിക്കാണ്. ജിഎസ്ടി വരുന്നതോടെ 1.25 മുതല്‍ 10 ലക്ഷം വരെ വിലയില്‍ കുറവുണ്ടാകുമെന്നാണ് കണക്കുകൂട്ടല്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
