പുതിയ ഒരു രൂപാ നോട്ട് പുറത്തിറക്കുമെന്ന് ആര്‍ബിഐ

മുംബൈ: നിലവിലുള്ള നാണയങ്ങളും നോട്ടുകളും നിര്‍ത്താതെ തന്നെ പുതിയ ഒരു രൂപാ നോട്ടുകള്‍ പുറത്തിറക്കുമെന്ന് റിസര്‍ ബാങ്ക് ഒഫ് ഇന്ത്യ. പിങ്ക്-ഗ്രീന്‍ നിറത്തിലുള്ള നോട്ടുകള്‍ കേന്ദ്ര സര്‍ക്കാറാണ് പ്രിന്റ് ചെയ്യുക. കോയിനേജ് നിയമം 2011 അടിസ്ഥാനമാക്കി നിര്‍മിക്കുന്ന പുതിയ നോട്ടിന് നിയമസാധുതയുള്ളതാകുമെന്ന് ആര്‍ബിഐ വാര്‍ത്താ കുറിപ്പില്‍ വ്യക്തമാക്കി.

സാമ്പത്തിക കാര്യ സെക്രട്ടറി ശക്തികാന്ത ദാസിന്റെ ഒപ്പായിരിക്കും പുതിയ നോട്ടിലുണ്ടാവുക. 9.7 സെന്റീമീറ്റര്‍ നീളം 6.3 സെന്റീമീറ്റര്‍ വീതിയുമുള്ളതായിരിക്കും പുതിയ നോട്ട്.