ന്യൂഡല്‍ഹി: ഉപഭോക്താക്കള്‍ക്ക് മെച്ചപ്പെട്ട സേവനം നല്‍കുന്നതിന് തുടര്‍ച്ചയായി പരിഷ്‌കാരങ്ങള്‍ നടത്തിവരികയാണ് പ്രമുഖ ഇന്‍സ്റ്റന്റ് മെസേജിങ് ആപ്പായ വാട്‌സ്ആപ്പ്. ഡേറ്റ ട്രാന്‍സ്ഫര്‍ ചെയ്യുന്നതിന് പ്രധാനമായി ഗൂഗിള്‍ ഡ്രൈവിനെയാണ് ആശ്രയിക്കുന്നത്. ഗൂഗിള്‍ ഡ്രൈവ് ബാക്ക്അപ്പ് ഇല്ലാതെ തന്നെ ഡേറ്റ കൈമാറാന്‍ സഹായിക്കുന്ന പുതിയ ഫീച്ചര്‍ വാട്‌സ്ആപ്പ് വികസിപ്പിക്കുന്നു എന്ന വാര്‍ത്ത മാസങ്ങള്‍ക്ക് മുന്‍പാണ് പുറത്തുവന്നത്.
ഇപ്പോള്‍ ഇത് യാഥാര്‍ഥ്യമാക്കിയിരിക്കുകയാണ് വാട്‌സ്ആപ്പ്. എന്നാല്‍ പരീക്ഷണാടിസ്ഥാനത്തിലാണ് ഈ ഫീച്ചര്‍ അവതരിപ്പിച്ചത്.വാട്‌സ്ആപ്പ് സെറ്റിംഗ്‌സ് സെക്ഷനിലാണ് ചാറ്റ് ട്രാന്‍സ്ഫര്‍ ഫീച്ചര്‍ അവതരിപ്പിച്ചത്. ഇത് ടാപ്പ് ചെയ്യുന്നതോടെ, ക്യൂ ആര്‍ കോഡ് പ്രത്യക്ഷപ്പെടും. ഇത് സ്‌കാന്‍ ചെയ്ത ശേഷം ഡേറ്റ കൈമാറാന്‍ കഴിയുന്നവിധമാണ് സംവിധാനം ഒരുക്കിയിരിക്കുന്നത്.
ഗൂഗിള്‍ ഡ്രൈവിന്റെ സഹായമില്ലാതെ ഡേറ്റ കൈമാറാന്‍ സഹായിക്കുന്ന ഈ ഫീച്ചര്‍ ആന്‍ഡ്രോയിഡ് ഉപയോക്താക്കള്‍ക്ക് ഏറെ പ്രയോജനം ചെയ്യും. എന്നാണ് ഈ ഫീച്ചര്‍ എല്ലാ ആന്‍ഡ്രോയിഡ് ഫോണുകളിലും ലഭ്യമാക്കുക എന്ന് കമ്പനി അറിയിച്ചിട്ടില്ല. ഉടന്‍ തന്നെ ഈ ഫീച്ചര്‍ എല്ലാ ഫോണുകളിലും ലഭ്യമാകും എന്നാണ് റിപ്പോര്‍ട്ടുകള്‍.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
