അത്താഴത്തിന് ശേഷം പഴം കഴിക്കുന്ന ശീലമുണ്ടോ? ദഹനത്തെയും ആരോഗ്യത്തെയും എങ്ങനെ ബാധിക്കും?

അളവും ഏതൊക്കെ പഴങ്ങളാണ് കഴിക്കുന്നതെന്നതും പ്രധാനമാണ്.
fruits after dinner
fruits after dinnerai image
Updated on: 
2 min read

അത്താഴത്തിന് ശേഷം പഴങ്ങൾ കഴിക്കുന്നത് നല്ലതാണോ? പലർക്കുമുള്ള സംശയമാണിത്. പഴങ്ങൾ രാവിലെ കഴിച്ചാലും ഉച്ചയ്ക്ക് കഴിച്ചാലും രാത്രിയിൽ കഴിച്ചാലും അവയിൽ നിന്നുള്ള പോഷകങ്ങൾ ശരീരത്തിന് ലഭിക്കും. അതുകൊണ്ട് അത്താഴത്തിന് ശേഷം പഴങ്ങൾ കഴിക്കുന്നത് പൊതുവെ തെറ്റായ ശീലമാണെന്ന് പറയാൻ സാധിക്കില്ല. എന്നാൽ അളവും ഏതൊക്കെ പഴങ്ങളാണ് കഴിക്കുന്നതെന്നതും പ്രധാനമാണ്.

fruits after dinner
ദിവസവും പാചകം ചെയ്യാൻ മടിയാണോ? ഈ അഞ്ച് ചേരുവകൾ നേരത്തെ തയ്യാറാക്കി വയ്ക്കാം

അത്താഴത്തിന് ശേഷം പഴങ്ങൾ കഴിക്കാമോ?

ആരോ​ഗ്യപ്രശ്നങ്ങളൊന്നുമില്ലാത്ത ആളാണെങ്കിൽ അത്താഴത്തിന് ശേഷം ചെറിയ അളവിൽ പഴങ്ങൾ കഴിക്കാം. പഴങ്ങളിൽ അടങ്ങിയ നാരുകൾ ദഹനപ്രക്രിയയെ സഹായിക്കുകയും മലബന്ധം തടയുകയും ചെയ്യും. കൂടാതെ ശരീരത്തിന് ആവശ്യമായ വിറ്റാമിനുകളും ധാതുക്കൾ ലഭിക്കുകയും ചെയ്യും. എന്നാൽ രാത്രി ഭക്ഷണം അമിതമായി കഴിച്ചതിന് പിന്നാലെ പഴങ്ങൾ കൂടി കഴിക്കുന്നത് ചിലരിൽ വയറുനിറഞ്ഞ തോന്നൽ, ഗ്യാസ്, അസ്വസ്ഥത എന്നിവയ്ക്ക് കാരണമാകാം. അതിനാൽ വിശപ്പുണ്ടെങ്കിൽ മാത്രം ചെറിയ അളവിൽ പഴങ്ങൾ കഴിക്കുന്നതാണ് നല്ലത്.

fruits after dinner
എണ്ണ പേടിച്ച് പഴംപൊരിയും പരിപ്പുവടയും ഒഴിവാക്കേണ്ട, വറുത്ത ഭക്ഷണത്തിലെ അധിക എണ്ണ കുറയ്ക്കാൻ ഇങ്ങനെ പരീക്ഷിക്കാം

രാത്രി കഴിക്കാൻ അനുയോജ്യമായ പഴങ്ങൾ ഏതൊക്കെ?

ആപ്പിൾ

നാരുകൾ അടങ്ങിയ ആപ്പിൾ രാത്രി ചെറിയ അളവിൽ കഴിക്കാവുന്ന പഴമാണ്. ദഹനത്തിനും മലബന്ധം കുറയ്ക്കുന്നതിനും നാരുകൾ സഹായിക്കുന്നു.

പപ്പായ

നാരുകളും വെള്ളവും അടങ്ങിയ പഴമാണ് പപ്പായ. ദഹനത്തിന് സഹായിക്കുന്ന പോഷകഘടകങ്ങളും ഇതിലുണ്ട്. എന്നാൽ ഒരേസമയം വലിയ അളവിൽ കഴിക്കേണ്ടതില്ല.

പേരയ്ക്ക

‌വിറ്റാമിൻ സി, നാരുകൾ എന്നിവയുടെ നല്ല ഉറവിടമാണ് പേരയ്ക്ക. വിശപ്പ് നിയന്ത്രിക്കാനും ദഹനാരോഗ്യം മെച്ചപ്പെടുത്താനും സഹായിക്കുന്ന ഭക്ഷണമാണ് ഇത്.

കിവി

നാരുകളും വിറ്റാമിൻ സിയും അടങ്ങിയ കിവി പഴം ഉറക്കത്തിൻ്റെ ഗുണനിലവാരവുമായി ബന്ധപ്പെട്ട ചില പഠനങ്ങളിൽ ഗുണകരമായി കണ്ടെത്തിയിട്ടുണ്ട്. എന്നാൽ ഉറക്കം മെച്ചപ്പെടുത്താൻ കിവി നിർബന്ധമായും കഴിക്കണമെന്നില്ല.

അത്താഴത്തിന് ശേഷം പഴങ്ങൾ കഴിച്ചാൽ തടി കൂടുമോ?

രാത്രിയിൽ പഴങ്ങൾ കഴിക്കുന്നത് ശരീരഭാരം വർധിപ്പിക്കുമെന്നത് വെറും തെറ്റിദ്ധാരണയാണ്. ദിവസവും കഴിക്കുന്ന ആകെ കലോറിയും ശാരീരിക പ്രവർത്തനങ്ങളും ഭക്ഷണരീതിയുമാണ് ശരീരഭാരത്തെ പ്രധാനമായും സ്വാധീനിക്കുന്നത്.

മധുരപലഹാരങ്ങൾ, ഐസ്ക്രീം, ബേക്കറി വിഭവങ്ങൾ എന്നിവയ്ക്ക് പകരം ഒരു പഴം കഴിക്കുന്നത് അധിക കലോറി ഒഴിവാക്കാൻ സഹായിച്ചേക്കാം. എന്നാൽ പഴങ്ങളും അമിതമായി കഴിച്ചാൽ ശരീരത്തിന് ആവശ്യത്തിലധികം കലോറി ലഭിക്കാം.

പ്രമേഹരോഗികൾക്ക് രാത്രി പഴങ്ങൾ കഴിക്കാമോ?

പ്രമേഹരോഗികൾ പഴങ്ങൾ പൂർണമായി ഒഴിവാക്കേണ്ടതില്ല. എന്നാൽ പഴങ്ങളിലെ സ്വാഭാവിക പഞ്ചസാരയും കാർബോഹൈഡ്രേറ്റും രക്തത്തിലെ ഗ്ലൂക്കോസ് നിലയെ സ്വാധീനിക്കും. അതുകൊണ്ട് അളവ് പ്രത്യേകം ശ്രദ്ധിക്കണം.

  • ഒരേസമയം വലിയ അളവിൽ പഴങ്ങൾ കഴിക്കരുത്.

  • ജ്യൂസിന് പകരം മുഴുവൻ പഴം കഴിക്കുന്നതാണ് നല്ലത്.

  • ദിവസത്തെ കാർബോഹൈഡ്രേറ്റ് അളവിൽ പഴങ്ങളും ഉൾപ്പെടുത്തണം.

  • വ്യക്തിയുടെ രക്തത്തിലെ പഞ്ചസാരയുടെ നിലയും മരുന്നുകളും അനുസരിച്ച് ഡോക്ടറുടെയോ ഡയറ്റീഷ്യന്റെയോ നിർദേശം തേടണം.

പഴങ്ങൾ കഴിക്കുമ്പോൾ ശ്രദ്ധിക്കേണ്ട കാര്യങ്ങൾ

  • അത്താഴത്തിന് ശേഷം വിശപ്പുണ്ടെങ്കിൽ ഒരു ചെറിയ പഴമോ ചെറിയ അളവിലുള്ള പഴങ്ങളോ കഴിക്കാം.

  • പഴച്ചാറിനേക്കാൾ നാരുകൾ അടങ്ങിയ മുഴുവൻ പഴങ്ങൾക്ക് മുൻഗണന നൽകുക.

  • പഴങ്ങൾക്കൊപ്പം അധികം പഞ്ചസാരയോ തേൻ ചേർക്കേണ്ടതില്ല.

  • അസിഡിറ്റി, നെഞ്ചെരിച്ചിൽ, വയറുവീക്കം തുടങ്ങിയ പ്രശ്നങ്ങളുള്ളവർക്ക് ചില പഴങ്ങൾ അസ്വസ്ഥതയുണ്ടാക്കാം. അത്തരം സാഹചര്യങ്ങളിൽ ശരീരത്തിന്റെ പ്രതികരണം ശ്രദ്ധിക്കുക.

  • ഉറങ്ങുന്നതിന് തൊട്ടുമുമ്പ് വലിയ അളവിൽ ഭക്ഷണം കഴിക്കുന്നത് ഒഴിവാക്കുക.

fruits after dinner
അമിതമായാൽ ഈന്തപ്പഴം 'പണി' തരും, ഒരു ദിവസം എത്ര കഴിക്കാം?
fruits after dinner
സാമ്പാറിന് വെള്ളം കൂടിയോ? ടെൻഷൻ വേണ്ട, ടിപ്സ് ഇതാ
fruits after dinner
പുട്ട് കട്ടിയാകാതെ സോഫ്റ്റായി കിട്ടാൻ, ഈ കാര്യങ്ങൾ ശ്രദ്ധിക്കണം
Summary

Is Eating Fruits After Dinner a Healthy Habit? Know the Facts

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

X

FOLLOW US

ON GOOGLE DISCOVER