മുംബൈ: പ്രമുഖ സ്മാര്ട്ട്ഫോണ് നിര്മ്മാതാക്കളായ ഷവോമിയുടെ സബ് ബ്രാന്ഡായ പോക്കോയുടെ എം7 സീരീസിലെ ഏറ്റവും പുതിയ മോഡലായ എം7 പ്ലസ് ഫൈവ് ജി സ്മാര്ട്ട്ഫോണ് ഇന്ത്യയില് പുറത്തിറക്കി. 13,999 രൂപയില് ആരംഭിക്കുന്ന ഈ സ്മാര്ട്ട്ഫോണ് 7,000mAh ബാറ്ററിയും 144Hz റിഫ്രഷ് റേറ്റിനെ പിന്തുണയ്ക്കുന്ന 6.9 ഇഞ്ച് FHD+ ഡിസ്പ്ലേയുമായാണ് വിപണിയില് എത്തിയത്. പൊടി, ജല പ്രതിരോധത്തിന് IP64 റേറ്റിങ്ങും ഫോണിനുണ്ട്.
ആറു ജിബി റാം + 128 ജിബി സ്റ്റോറേജുള്ള വേരിയന്റിന് 13,999 രൂപയാണ് വില. എട്ട് ജിബി റാം + 128ജിബി സ്റ്റോറേജുമുള്ള രണ്ടാമത്തെ വേരിയന്റിന് 14,999 രൂപയാണ് വില വരുന്നത്. ക്രോം സില്വര്, അക്വാ ബ്ലൂ, കാര്ബണ് ബ്ലാക്ക് നിറങ്ങളില് ഫോണ് ലഭ്യമാണ്. ഓഗസ്റ്റ് 19 മുതല് ഇ-കോമേഴ്സ് പ്ലാറ്റ്ഫോമായ ഫ്ലിപ്കാര്ട്ടില് ഫോണ് ലഭ്യമാകും. തുടക്കത്തില് എച്ച്ഡിഎഫ്സി, എസ്ബിഐ, ഐസിഐസിഐ ബാങ്ക് കാര്ഡുകള് ഉപയോഗിച്ച് വാങ്ങുന്ന ഉപയോക്താക്കള്ക്ക് ആയിരം രൂപയുടെ ഡിസ്കൗണ്ട് ലഭിക്കും. കൂടാതെ എക്സ്ചേഞ്ച് ബോണസ് ആയി ആയിരം രൂപയും വാഗ്ദാനം ചെയ്യുന്നുണ്ട്.
2340x1080 റെസല്യൂഷനുള്ള 6.9 ഇഞ്ച് ഡിസ്പ്ലേയാണ് ഫോണിനുള്ളത്. 144Hz വരെ റിഫ്രഷ് റേറ്റ് ഉള്ളതിനാല് ഉയര്ന്ന ബ്രൈറ്റ്നസ് മോഡില് ഡിസ്പ്ലേയ്ക്ക് 850 നിറ്റ്സ് വരെ തെളിച്ചം ലഭിക്കും. Qualcomm Snapdragon 6s Gen 3 ചിപ്പ് ആണ് ഫോണിന് കരുത്തു പകരുന്നത്. ഈ സ്മാര്ട്ട്ഫോണിന് 8GB വരെ LPDDR4X റാമും 128GB UFS 2.2 സ്റ്റോറേജും ലഭിക്കും. 7,000mAh ബാറ്ററി 33W വയര്ഡ് ചാര്ജിങ്ങിനെയും 18W റിവേഴ്സ് വയര്ഡ് ചാര്ജിങ്ങിനെയും പിന്തുണയ്ക്കും. കാമറ വിഭാഗത്തില്, 50MP പ്രൈമറി സെന്സറും 2MP ഡെപ്ത് സെന്സറും ഉള്ള ഡ്യുവല് റിയര് കാമറ സജ്ജീകരണം വാഗ്ദാനം ചെയ്യുന്നു. മുന്വശത്ത്, ഇതിന് 8MP കാമറ ലഭിക്കുന്നു.
ആന്ഡ്രോയിഡ് 15 അടിസ്ഥാനമാക്കിയുള്ള Xiaomi HyperOSലാണ് ഫോണ് പ്രവര്ത്തിക്കുക. സൈഡ്-മൗണ്ടഡ് ഫിംഗര്പ്രിന്റ് സെന്സര്, ഓഡിയോ ഔട്ട്പുട്ടിനുള്ള മോണോ സ്പീക്കര്, ബ്ലൂടൂത്ത് 5.1, വൈ-ഫൈ 5 എന്നിവയ്ക്കുള്ള പിന്തുണ എന്നിവയാണ് അധിക ഫീച്ചറുകള്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
