മുംബൈ: പ്രമുഖ സ്മാര്ട്ട്ഫോണ് നിര്മ്മാതാക്കളായ റിയല്മി തങ്ങളുടെ അടുത്ത തലമുറ സ്മാര്ട്ട്ഫോണായ റിയല്മി 16 പ്രോ സീരീസ് അവതരിപ്പിക്കാന് ഒരുങ്ങുന്നു. പ്രോ സീരീസില് റിയല്മി 16 പ്രോ 5G, റിയല്മി 16 പ്രോ പ്ലസ് 5G എന്നിവ ഉള്പ്പെടും. നിരവധി അപ്ഗ്രേഡുകളോടെയാണ് ഈ ഫോണുകള് വിപണിയില് എത്തുക. ജനുവരി ആദ്യ വാരത്തില് ഫോണ് ഇന്ത്യയില് പുറത്തിറങ്ങുമെന്ന് കമ്പനി പ്രഖ്യാപിച്ചു.
ജനുവരി 6ന് റിയല്മി 16 പ്രോയും റിയല്മി 16 പ്രോ പ്ലസും ഇന്ത്യയില് ലോഞ്ച് ചെയ്യും. ഫ്ലിപ്കാര്ട്ട്, റീട്ടെയില് ചാനലുകള്, റിയല്മി ഇ-സ്റ്റോര് എന്നിവയില് ഫോണ് ലഭ്യമാകും. റിയല്മി 16 പ്രോ പ്ലസില് 144Hz റിഫ്രഷ് റേറ്റ് ഉള്ള 6.8 ഇഞ്ച് AMOLED പാനല് ഉണ്ടാകുമെന്ന് പ്രതീക്ഷിക്കുന്നു. ക്വാല്കോം സ്നാപ്ഡ്രാഗണ് SoC ആയിരിക്കും ഇതിന് കരുത്തുപകരുക.
12GB വരെ റാമും 512GB സ്റ്റോറേജുമായിട്ടായിരിക്കാം ഫോണ് എത്തുക. ഫാസ്റ്റ് ചാര്ജിങ് ഓപ്ഷനുള്ള 7,000 mAh ബാറ്ററിയും ഇത് വാഗ്ദാനം ചെയ്തേക്കാം. കാമറയെ സംബന്ധിച്ചിടത്തോളം, ഫോണില് 3.5x ഒപ്റ്റിക്കല് സൂമോടുകൂടിയ 200MP മെയിന്, 8MP അള്ട്രാവൈഡ്, 50MP ടെലിഫോട്ടോ പെരിസ്കോപ്പ് കാമറ എന്നിവ ഉണ്ടായിരിക്കാം. മുന്വശത്ത്, ആരാധകര്ക്ക് 50MP സെല്ഫി കാമറ പ്രതീക്ഷിക്കാം.
റിയല്മി 16 പ്രോയെക്കുറിച്ച് പറയുമ്പോള്, 144Hz റിഫ്രഷ് റേറ്റ് ഉള്ള 6.78 ഇഞ്ച് AMOLED പാനല് ലഭിച്ചേക്കാം. സ്നാപ്ഡ്രാഗണ് 7s Gen 3 അല്ലെങ്കില് മീഡിയടെക് ഡൈമെന്സിറ്റി 7300 SoC, 12GB വരെ റാമും 512GB സ്റ്റോറേജും ലഭിച്ചേക്കാം. 7,000 mAh ബാറ്ററിയും 80W ചാര്ജിങ്ങും ഉണ്ടായിരിക്കാം. കാമറയുടെ കാര്യത്തില്, ഇതിന് 200എംപി മെയിന് സെന്സറും 8MP അള്ട്രാവൈഡ് സെന്സറും ലഭിച്ചേക്കാം. സെല്ഫികള്ക്കായി, ഫോണില് 50MP ഫ്രണ്ട് കാമറ ലഭിച്ചേക്കാം. റിയല്മി 16 പ്രോയ്ക്ക് ഏകദേശം 30,000 രൂപ വില വരാം. അതേസമയം റിയല്മി 16 പ്രോ പ്ലസിന് 35,000 മുതല് 38,000 രൂപ വരെ വില വരാം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
