ന്യൂഡല്‍ഹി: പ്രമുഖ ചൈനീസ് സ്മാര്‍ട്ട്‌ഫോണ്‍ നിര്‍മ്മാതാക്കളായ വിവോ അവരുടെ പുതിയ മോഡല്‍ ആയി വിവോ എസ്70 വിപണിയില്‍ അവതരിപ്പിക്കാന്‍ ഒരുങ്ങുന്നു. ഈ ഫോണില്‍ ടെലികണ്‍വെര്‍ട്ടര്‍ സൗകര്യം ഉണ്ടായിരിക്കുമെന്നാണ് വിവരം.
വിവോ എസ് സീരീസ് ഫോണില്‍ 64 എംപി സോണി LYT610 പെരിസ്‌കോപ്പ് ടെലിഫോട്ടോ കാമറ ഉണ്ടായിരിക്കുമെന്നാണ് കരുതുന്നത്. ടെലികണ്‍വെര്‍ട്ടര്‍ പിന്തുണയോടു കൂടിയുള്ളതായിരിക്കും കാമറ. 1.5കെ റെസല്യൂഷനോടു കൂടിയ 6.59 ഇഞ്ച് അമോലെഡ് എല്‍ടിപിഎസ് ഡിസ്‌പ്ലേയാണ് ഫോണിന് ഉണ്ടാവുക.
സ്‌നാപ്ഡ്രാഗണ്‍ 8എസ് ജെന്‍ 4 ചിപ്‌സെറ്റായിരിക്കും ഫോണിന് കരുത്തുപകരുക. അടുത്തമാസം ഫോണ്‍ വിപണിയില്‍ എത്തുമെന്നാണ് റിപ്പോര്‍ട്ടുകള്‍ വ്യക്തമാക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
