ചർമം തിളങ്ങാൻ കറ്റാർവാഴ ഇനി ഇങ്ങനെ ഉപയോ​ഗിച്ചു നോക്കൂ

വീട്ടിൽ കറ്റാർവാഴയുണ്ടെങ്കിൽ ചർമത്തിന്റെ കാര്യത്തിൽ ടെൻഷൻ വേണ്ട. ചർമത്തിന്റെ കരിവാളിപ്പ് മാറാനും ചർമം ഈർപ്പമുള്ളതാക്കാനും ആരോ​ഗ്യത്തോടെ സംരക്ഷിക്കാനും ഉപയോ​ഗിക്കാവുന്ന ഒന്നാണ് കറ്റാർവാഴ. ഇതിന്റെ ജെല്ല് വേർതിരിച്ചെടുത്താണ് ചർമത്തിൽ പുരട്ടേണ്ടത്.

ദിവസവും ഉപയോ​ഗിക്കുന്നത് ചർമത്തിലെ ചുളിവുകൾ കുറയ്ക്കാനും യുവത്വമുള്ളതാക്കാനും സഹായിക്കും. എന്നാൽ ദിവസവും കറ്റാർവാഴ ജെല്ല് വേർതിരിച്ചെടുക്കുന്നത് അൽപം ശ്രമകരമായിക്കും. അവയെ ദീർഘകാലം ഫ്രഷ് ആയി സൂക്ഷിക്കാൻ ഒരു മാർ​ഗമുണ്ട്.

കറ്റാർവാഴ ഐസ് ക്യൂബ്സ്

കറ്റാർവാഴ ഇത്തരത്തിൽ തണുപ്പിച്ച് സൂക്ഷിക്കുന്നത് ദീർഘകാലം അത് ഫ്രഷ് ആയിയിരിക്കാനും, ആവശ്യമുള്ളപ്പോൾ ഉപയോ​ഗിക്കാൻ എളുപ്പവുമാക്കും. കൂടാതെ, ഐസ് ക്യൂബ് കൊണ്ട് മുഖത്ത് മസാജ് ചെയ്യുന്നത് ചർമത്തിലെ അമിത എണ്ണമയം നീക്കി, ചർമം കൂടുതൽ ക്ലിയറാകാൻ സഹായിക്കും. ഇത് മുഖക്കുരു മാറാനും നല്ലതാണ്.

കറ്റാർവാഴ ഐസ് ക്യൂസ് എങ്ങനെ തയ്യാറാക്കാം

• ആദ്യം തന്നെ നല്ല ഫ്രഷ് ആയ കറ്റാര്‍വാഴ നന്നായി വൃത്തിയാക്കി എടുക്കു മാറ്റിവയ്ക്കുക.

• അതിൽ നിന്ന് മഞ്ഞക്കറ പൂർണമായും ഒഴിവാക്കിയ ശേഷം കറ്റാർവാഴ മുറിച്ച്, ജെൽ വേർതിരിച്ചെടുക്കുക.

• ശേഷം മിക്സി ജാറിൽ ഇട്ട് ഒന്ന് അടിച്ചെടുക്കാം. ഇത് പിന്നീട് ഒരു ഐസ് ട്രേയിൽ ഒഴിച്ച് ഫ്രീസറിൽ വെച്ച് ഫ്രീസ് ചെയ്യാവുന്നതാണ്.

• ആവശ്യമുള്ളപ്പോൾ ഒരോ ഐസ് ക്യൂസ് ആയി എടുത്ത് ചർമത്തിൽ മസാജ് ചെയ്യാവുന്നതാണ്.

• പ്രിസർവേറ്റീവുകൾ ഒന്നും ഉപയോ​ഗിക്കാത്തതുകൊണ്ട് തന്നെ ചർമത്തിന് ഇത് ഏറെ ​ഗുണം ചെയ്യും.

കറ്റാർവാഴ മിക്സിയിൽ അടിക്കുന്നതിനൊപ്പം ഒരു ടേബിൾ റോസ് വാട്ടർ, കുക്കുമ്പർ ജ്യൂസ്, ഏതെങ്കിലും എസെൻഷ്യൽ ഓയിൽ കൂടി ചേർക്കുന്നത് ഇതിന്റെ ആരോ​ഗ്യമൂല്യം വർധിപ്പിക്കും. ചർമം കൂടുതൽ തിളക്കമുള്ളതാക്കാൻ ഇത് ബെസ്റ്റാണ്.