ശീലത്തിന്റെ ഭാഗമായി രാവിലെ ഭക്ഷണത്തിന് മുന്‍പ് പല്ലുകൾ വൃത്തിയാക്കുന്നതു പോലെയാണ് ആരോഗ്യത്തിന്റെ ഭാഗമായി രാത്രി ഭക്ഷണ ശേഷം പല്ലുകള്‍ വൃത്തിയാക്കേണ്ടത്. രാത്രി കഴിക്കുന്ന ഭക്ഷണം, പുകയില, വെറ്റില പോലുള്ളവയുടെ അവശിഷ്ടം വായയില്‍ വെച്ച് ഉറങ്ങുന്നത് വായിലെ അര്‍ബുദത്തിന് ഏറ്റവും സാധാരണയായ കാരണമാണ്.
ഇന്ത്യയിൽ പുരുഷന്മാരിൽ ഏറ്റവും സാധാരണയായി കാണപ്പെടുന്ന അര്‍ബുദമാണ് വായയിലെ കാന്‍സര്‍. പുകയില ഉപയോഗമാണ് ഇത്തരം ഹെഡ് ആന്‍ഡ് നെക്ക് കാന്‍സറുകളുടെ പ്രധാനകാരണമായി പഠനങ്ങള്‍ ചൂണ്ടിക്കാണിക്കുന്നത്. ചെവി, മൂക്ക്, വായ, ചുണ്ടുകൾ, നാവ്, തൊണ്ട,കവിൾ, ഉമിനീർ ഗ്രന്ധികൾ തുടങ്ങിയ അവയവങ്ങളെ ബാധിക്കുന്ന അർബദമാണ് ഹെഡ് ആൻഡ് നെക്ക് കാൻസർ എന്ന ഒറ്റ വിഭാഗത്തിൽ ഉൾപ്പെടുത്തുന്നത്.
ഇത്തരം ആളുകളെ കൊല്ലുന്ന കാന്‍സറുകള്‍ മിക്കപ്പോഴും നമ്മൾ ക്ഷണിച്ചു വരുത്തുന്നതാണ്. പുകയില ഉപയോഗം ഒഴിവാക്കുന്നതിനൊപ്പം വായയുടെ വൃത്തിയും പ്രധാനമാണ്. ഭക്ഷണ ശേഷം വായ നന്നായി വൃത്തിയുക്കുന്നത് ഇത്തരം അര്‍ബുദ സാധ്യത കുറയ്ക്കാന്‍ സഹായിക്കുമെന്ന് ആരോഗ്യ വിദഗ്ധര്‍ പറയുന്നു.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
വായയിലെ അര്‍ബുദത്തിന്‍റെ ലക്ഷണങ്ങള്‍
മൂന്നാഴ്ചയ്ക്കുള്ളില്‍ ഭേദമാകാത്ത വായിലെ പുണ്ണ് അല്ലെങ്കില്‍ മുറിവുകള്‍.
വായിലോ താടിയെല്ലിലോ കഴുത്തിലോ മൂന്നാഴ്ചയില്‍ കൂടുതല്‍ നീണ്ടുനില്‍ക്കുന്ന മുഴ അല്ലെങ്കില്‍ വീക്കം.
വിഴുങ്ങുമ്പോഴോ ചവയ്ക്കുമ്പോഴോ ബുദ്ധിമുട്ട് നേരിടുക
നാവിലോ വായുടെ മറ്റ് ഭാഗങ്ങളിലോ മരവിപ്പ് തോന്നുക,
തൊണ്ടയില്‍ എന്തെങ്കിലും കുടുങ്ങിയതായി തോന്നുക
ആറാഴ്ചയിലധികം നീണ്ടുനില്‍ക്കുന്ന വിട്ടുമാറാത്ത തൊണ്ടവേദന
പല്ലുകള്‍ ബലക്കുറവു തോന്നുക
മോണയില്‍ രക്തസ്രാവം
എന്നീ ലക്ഷണങ്ങള്‍ കണ്ടാല്‍ തീര്‍ച്ചയായും ആരോഗ്യവിദഗ്ധനെ സമീപിച്ച് ചികിത്സ ആരംഭിക്കേണ്ടതാണ്.
ഹെഡ് ആന്‍ഡ് നെക്ക് കാൻസറുകൾ ആദ്യഘട്ടത്തിലോ, രണ്ടാംഘട്ടത്തിലോ ആണ് കണ്ടെത്തുന്നതെങ്കിൽ 80 ശതമാനം രോഗികളിലും ചികിത്സിച്ച് ഭേദമാക്കാം. ജീവിതശൈലിയിൽ മാറ്റങ്ങൾ വരുത്തുന്നതിലൂടെ 40 ശതമാനം അർബുദങ്ങളെയും പ്രതിരോധിക്കാമെന്ന് അടുത്തിടെ ലോകാരോഗ്യസംഘടന പുറത്തുവിട്ട റിപ്പോർട്ടിൽ വ്യക്തമാക്കുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
