വിന്‍റര്‍ ഡയറ്റിൽ ഉൾപ്പെടുത്താം നല്ല ചൂട് ബദാം മിൽക്ക്; എളുപ്പം തയ്യാറാക്കാം

തണുപ്പുകാലം തുടങ്ങിയതോടെ ഭക്ഷണ ശീലത്തിലും ആവശ്യമായ മാറ്റങ്ങള്‍ വരുത്തേണ്ടതുണ്ട്. സ്മൂത്തിയെയും തണുത്ത ജ്യൂസിനെയും തള്ളി മാറ്റി മാസാല ചായയും സൂപ്പുമൊക്കെ ഡയറ്റിൽ ഇടം പിടിക്കും. അങ്ങനെ ഈ മഞ്ഞകാലത്ത് ആസ്വദിച്ചു കുടിക്കാവുന്ന ഒന്നാണ് ബദാം മിൽക്ക്. രുചിയിലും ആരോ​ഗ്യ​ഗുണത്തിലും ബദാം മിൽക്ക് പൊളിയാണ്.

നാരുകള്‍, പ്രോട്ടീന്‍, ആരോഗ്യകരമായ കൊഴുപ്പുകള്‍ തുടങ്ങിയ നിരവധി പോഷകങ്ങൾ അടങ്ങിയതാണ് ബദാം മില്‍ക്ക്. ജലദോഷം, പനി പോലുള്ള സീസണൽ രോ​ഗങ്ങൾക്കെതിരെ പ്രതിരോധശേഷി വർധിപ്പിക്കാൻ സഹായിക്കുന്ന അവശ്യ വിറ്റാമിനുകളും ധാതുക്കളും ബദാമില്‍ അടങ്ങിയിട്ടുണ്ട്. കൂടാതെ അസ്ഥികളുടെ ആരോ​ഗ്യത്തെ മെച്ചപ്പെട്ടുത്താൻ ഇതിൽ അടങ്ങിയ പാൽ സഹായിക്കും.

ബദാം മില്‍ക്കില്‍ ശര്‍ക്കരയും അടങ്ങിയിട്ടുണ്ട്. ഇത് അയണും മിനറല്‍സും പ്രദാനം ചെയ്യുന്നതിനാല്‍ ഊര്‍ജ്ജം നേടാനും സമ്മര്‍ദ്ദം അകറ്റാനും സഹായിക്കും. ഇത് ശ്വാസകോശത്തിന്റെ ആരോഗ്യത്തിനും നല്ലതാണ്.

ബദാം മില്‍ക്ക് എങ്ങനെ ഉണ്ടാക്കാമെന്ന് നോക്കാം

ചേരുവകള്‍;

ഒരു ഗ്ലാസ് പാല്

കുങ്കുമപ്പൂവിന്റെ രണ്ട് നാര്

10 ബദാം പൊടിച്ചത്.

ശര്‍ക്കര ആവശ്യത്തിന്

ആരോഗ്യവും പ്രൊഫഷനും; ബാലൻസ് ചെയ്യാൻ ശീലങ്ങൾ സ്മാർട്ട് ആക്കാം

തയ്യാറാക്കുന്ന വിധം

പാല് തിളപ്പിച്ച് കുങ്കുമപ്പൂവ് ചേര്‍ക്കുക. പൊടിച്ച ബദാം ചേര്‍ത്ത് കുറച്ചുനേരം തിളപ്പിക്കുക. തീ കുറച്ചതിന് ശേഷം ശര്‍ക്കര ചേര്‍ക്കാം. എല്ലാം നന്നായി ചേര്‍ത്തിളക്കി ചെറുചൂടോടെ കുടിക്കാം.