ഉയരമുള്ള ആളാണോ? ഈ രോ​ഗങ്ങൾ നിങ്ങളെ അലട്ടിയേക്കാം, പഠനം 

നിങ്ങൾ ഉയരമുള്ള ആളാണോ? ഉയരമുള്ള ആളുകളുടെ ആരോ​ഗ്യവുമായി ബന്ധപ്പെട്ട ഒരു പഠനമാണ് അടുത്തിടെ പുറത്തുവന്നത്. ഉയരക്കൂടുതൽ രോ​​ഗമുണ്ടാക്കുന്ന ഘടകമായി കണക്കാക്കില്ലെങ്കിലും, അത് പല രോഗങ്ങളുമായി ബന്ധപ്പെട്ടിരിക്കുന്നെന്നാണ് പഠനത്തിൽ പറയുന്നത്. ഞരമ്പുകൾക്ക് ക്ഷതം, ത്വക്കിനും അസ്ഥികൾക്കും അണുബാധകൾ ഉണ്ടാകുക തുടങ്ങിയ ബുദ്ധിമുട്ടുകൾ ഉയരം കൂടുതലുള്ള ആളുകളെ അലട്ടുമെന്നാണ് കണ്ടെത്തൽ. 

അതേസമയം ഹൃദ്രോഗം, ഉയർന്ന രക്തസമ്മർദ്ദം, ഉയർന്ന കൊളസ്ട്രോൾ എന്നിവയുടെ അപകടസാധ്യത ഉയരമുള്ളവരിൽ കുറവായിരിക്കുമെന്നും പഠനത്തിൽ ചൂണ്ടിക്കാണിക്കുന്നുണ്ട്. പഠനത്തിന്റെ കണ്ടെത്തലുകൾ പിഎൽഒഎസ് ജെനറ്റിക്സ് ജേണലിൽ പ്രസിദ്ധീകരിച്ചിട്ടുണ്ട്. ആയിരത്തിലധികം അവസ്ഥകളും ലക്ഷണങ്ങളും‌ പരിശോധിച്ച് 3,23,793 പേരെ ഉൾപ്പെടുത്തിയാണ് പഠനം നടത്തിയത്. 

മുതിർന്നവരിലെ പല ആരോ​ഗ്യാവസ്ഥകൾക്കും ജൈവശാസ്ത്രപരമായി ഉയരം ഒരു അപകട ഘടകം ആണ്. പക്ഷെ ഇത് പലപ്പോഴും തിരിച്ചറിയപ്പെടാതെ പോകുന്നെന്നാണ് ​ഗവേഷകർ പറയുന്നത്. മുതിർന്ന വ്യക്തികളിൽ ഉയരം 100-ലധികം ക്ലിനിക്കൽ അവസ്ഥകൾക്ക് കാരണമായേക്കാം എന്നതിന് തെളിവുകൾ കണ്ടെത്തിയിട്ടുണ്ടെന്നും അവർ പറഞ്ഞു. 

ഈ വാർത്ത കൂടി വായിക്കൂ

ജൂലൈയില്‍ കോവിഡ് നാലാം തരംഗം?; ആശങ്കയായി ഒമൈക്രോണിന്റെ വകഭേദങ്ങള്‍ ; പ്രതിരോധം ഊര്‍ജ്ജിതമാക്കാന്‍ കേന്ദ്രം

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ