മഞ്ഞുകാലം തുടങ്ങി, പാദങ്ങൾ വിണ്ടുകീറുന്നുണ്ടോ? പരിഹാരം ഇതാ 

മഞ്ഞുകാലം തുടങ്ങിയാൽപ്പിന്നെ പലരെയും അലട്ടുന്ന ഒരു പ്രശ്നമാണ് പാദങ്ങൾ വിണ്ടുകീറുന്നത്. കാലുകളിലെ എണ്ണമയം കുറയുമ്പോഴാണ് ചർമ്മം വരണ്ട് തൊലിയിൽ വീണ്ടുകീറലുകൾ പ്രത്യക്ഷപ്പെടുന്നത്. അതുകൊണ്ടുതന്നെ മഞ്ഞുകാലത്ത് പാദങ്ങൾക്ക് ശരിയായ സംരക്ഷണം നൽകണം. 

മഞ്ഞുകാലത്ത് ചൂടുവെള്ളം കൊണ്ട് കാലുകൾ കഴുകുന്ന ശീലം വേണ്ട. അത് കാലുകളെ കൂടുതൽ വരണ്ടതാക്കും. എന്നാൽ ഇടയ്ക്ക് കാല് ചെറുചൂടുവെള്ളത്തിൽ മുക്കിവയ്ക്കുന്നതിൽ തെറ്റില്ല. അതുപോലെതന്നെ സോപ്പിന്റെ അമിതോപയോ​ഗവും വരൾച്ച കൂട്ടും. പകരം കറ്റാർവാഴ അടങ്ങിയ ലേപനങ്ങൾ ഉപയോ​ഗിക്കുന്നത് നല്ലതാണ്. ഇടയിക്കിടെ കാലിൽ വെളിച്ചെണ്ണ ഉപയോഗിച്ച് മസാജ് ചെയ്യുന്നതും ഫലപ്രദമാണ്. 

പാദങ്ങളിലെ വിണ്ടുകീറൽ തടയാൻ ഉപ്പ് സഹായിക്കും. ഇളംചൂടുവെള്ളത്തിൽ കുറച്ച് ഉപ്പ് ഇട്ടതിന് ശേഷം പാദങ്ങൾ അതിൽ മുക്കിവയ്ക്കാം. ബേക്കിങ് സോഡയും ഉപ്പും ഇട്ട വെള്ളത്തിലും കാല് മുക്കിവയ്ക്കുന്നത് നല്ലതാണ്. ഇളം ചൂടുവെള്ളത്തിൽ ഉപ്പും നാരങ്ങാനീരും കലർത്തുന്നതും വിണ്ടുകീറൽ തടയാൻ ​ഗുണകരമാണ്. ആഴ്ചയിൽ രണ്ടോ മൂന്നോ തവണ ഇങ്ങനെ ചെയ്യാവുന്നതാണ്. 

ഈ വാര്‍ത്ത കൂടി വായിക്കൂ‌ 

വ്യായാമത്തിന് മുമ്പ് ശരീരത്തിന് വേണം ഇന്ധനം; അഞ്ച് ലഘുഭഷണം ഇതാ 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ