ഉപ്പ് വാരിയിടാറുണ്ടോ? സമ്മർദ്ദം കൂടുമെന്ന് പഠനം

ആ​ഹാരത്തിൽ ഉപ്പ് കൂടുതലായാൽ സമ്മർദ്ദത്തിന് കാരണമാകുമെന്ന് പഠനം. ഉപ്പ് ഉയർന്ന അളവിൽ ഉപയോ​ഗിക്കുന്നത് സ്ട്രെസ് ഹോർമോണുകളുടെ അളവ് 75% വർദ്ധിപ്പിക്കുമെന്നാണ് പഠനത്തിൽ കണ്ടെത്തിയത്. ഹൃദയത്തെയും രക്തധമനികളെയും വൃക്കകളെയും ഉപ്പിന്റെ അമിത ഉപയോ​​ഗം ദോഷകരമായി ബാധിക്കുമെന്നും മസ്തിഷ്കം സമ്മർദ്ദം കൈകാര്യം ചെയ്യുന്ന രീതിയെയും ഇത് സ്വാധീനിക്കുമെന്ന് കണ്ടെത്തിയതായി ​ഗവേഷകർ പറഞ്ഞു. 

മുതിർന്ന ആളുകൾ പ്രതിദിനം 6 ഗ്രാമിൽ കൂടുതൽ ഉപ്പ് കഴിക്കരുതെന്നാണ് വിദ​ഗ്ധർ പറയുന്നത്. എന്നാൽ മിക്കവരും അളവിനേക്കാൾ 9 ഗ്രാം ഉപ്പ് അമിതമായി കഴിക്കുന്നുണ്ട്. ഈ ശീലം രക്തസമ്മർദ്ദം, വാസ്കുലർ ഡിമെൻഷ്യ എന്നിവയുടെ അപകടസാധ്യത വർദ്ധിപ്പിക്കുമെന്നാണ് ​ഗവേഷകർ നൽകുന്ന മുന്നറിയിപ്പ്.  

എലികളിൽ നടത്തിയ പഠനത്തിലാണ് ഉപ്പ് കൂടുന്നത് സമ്മർദ്ദം ഉയരാൻ കാരണമാകുമെന്ന് കണ്ടെത്തിയത്. മനുഷ്യരുടെ സാധാരണ ഉപഭോ​ഗം അനുസരിച്ചുള്ള ഉപ്പ് അടങ്ങിയ ഭക്ഷണം നൽകിയപ്പോൾ എലികളുടെ സ്ട്രെസ് ഹോർമോണുകളുടെ അളവ് വർദ്ധിക്കുക മാത്രമല്ല പാരിസ്ഥിതിക സമ്മർദ്ദത്തോടുള്ള എലികളുടെ ഹോർമോൺ പ്രതികരണവും ഇരട്ടിയായതായി ഗവേഷകർ കണ്ടെത്തി. ഉപ്പ് അമിതമായി ഉപയോ​ഗിക്കുന്നത് ഉത്കണ്ഠ, വിഷാദം തുടങ്ങിയ സ്വഭാവ മാറ്റങ്ങളിലേക്ക് നയിക്കുമോ എന്ന് കണ്ടെത്താൻ കൂടുതൽ പഠനങ്ങൾ നടക്കുന്നുണ്ടെന്നും ​ഗവേഷകർ അറിയിച്ചു. 

ഈ വാര്‍ത്ത കൂടി വായിക്കൂ 

പ്രോട്ടീന്‍ വേണോ? കോഴിയും താറാവുമൊക്കെ കഴിക്കണം; ആരോഗ്യഗുണങ്ങളേറെ 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ