പനിയും ജലദോഷവും ഉള്ളപ്പോൾ കാപ്പി ഒഴിവാക്കണം; കാരണം ഇതാണ് 

പനിയോ ജലദോഷമോ വരുമ്പോൾ കാപ്പി കുടിക്കാതിരിക്കുന്നതാണ് നല്ലത്. പകരം  ചൂടു വെള്ളം, കഞ്ഞിവെള്ളം, ​കട്ടൻചായ തുടങ്ങിയവ കുടിക്കാനാണ് ആരോ​ഗ്യവിദ​ഗ്ധർ നിർദേശിക്കുന്നത്. അസുഖബാധിതർ കാപ്പി ഒഴിവാക്കണമെന്ന് പറയുന്നതിന് പിന്നിലെ കാരണം എന്താണെന്ന് അറിയാമോ?

കാപ്പിയിലെ കഫൈൻ

കഫൈൻ അടങ്ങിയിട്ടുള്ളതിനാൽ കാപ്പി കുടിക്കുമ്പോൾ ഉറക്കം വരില്ല. അസുഖബാധിതരായി ഇരിക്കുമ്പോൾ വിശ്രമമം അത്യാവശ്യമാണ്. എത്ര ഉറക്കം കിട്ടുന്നോ അത്രയും നല്ലത്‌. കാപ്പി കുടിക്കുന്നത്‌ ശരീരത്തെ വിശ്രമിക്കാനും ഉറങ്ങാനും സഹായിക്കില്ലെന്നതിനാൽ അസുഖബാധിതർ കാപ്പി കഴിവതും ഒഴിവാക്കേണ്ടതാണ്‌.

കൂടാതെ കഫൈൻ ശരീരത്തെ നിർജലീകരിക്കാൻ കാരണമാകും. കാപ്പി കുടിച്ച്‌ കഴിഞ്ഞാൽ ഇടയ്‌ക്കിടെ മൂത്രമൊഴിക്കാൻ തോന്നുന്നതിന്റെ കാരണമിതാണ്‌. എത്രയധികം കാപ്പി കുടിക്കുന്നുവോ അത്രയധികം നിർജലീകരണം ശരീരത്തിന്‌ അനുഭവപ്പെടാം. അസുഖ ബാധിതരായിരിക്കുമ്പോൾ ശരീരത്തിൽ ജലാംശം ഉണ്ടാകണം. ശരീരത്തിനു നല്ല വിശ്രമവും പോഷകസമ്പുഷ്ടമായതും എളുപ്പം ദഹിക്കുന്നതുമായ ആഹാരവുമാണ്‌ ഈ സമയത്ത്‌  ആവശ്യം. 

ഈ വാർത്ത കൂടി വായിക്കൂ 

ആരോ​ഗ്യത്തിന് അത്ര കൂൾ അല്ല ഈ 'കൂൾ ഡ്രിങ്ക്‌സ്'; തലച്ചോർ വരെ അടിച്ചുപോകാം

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ