ഉലുവക്കഞ്ഞി എളുപ്പത്തിൽ തയ്യാറാക്കാം, കർക്കടകത്തിൽ ഏഴ് ദിവസം കുടിച്ചാൽ ശരീരത്തിന് നല്ലത്

രുചിയും പോഷക​ഗുണങ്ങളും ചേർന്ന ഉലുവക്കഞ്ഞി കർക്കടക മാസത്തിലെ ഒരു പ്രധാന ആരോ​ഗ്യകരമായ കൂട്ടാണ്. കുക്കറിൽ പാകം ചെയ്താൽ ജോലി ഭാരം കുറയുമെങ്കിലും മൺകലത്തിൽ വേവിച്ചെടുക്കുന്ന കഞ്ഞിക്കാണ് രുചി കൂടുതൽ. ഇത് ശരീരത്തിന് പ്രതിരോധശേഷി നൽകാനും, നടുവേദന മാറാനും, ദഹനപ്രക്രിയ മെച്ചപ്പെടുത്താനും വളരെ നല്ലതാണ്.

ഉലുവയുടെ പോഷകങ്ങൾ നിറഞ്ഞ കഞ്ഞി എങ്ങനെ തയ്യാറാം

• ഉലുവ – 2 ടീസ് സ്പൂൺ, കുതിർത്തത്

• ഉണക്കലരി – ഒരു കപ്പ്, കഴുകി വൃത്തിയാക്കിയത്

• ജീരകം – അര ചെറിയ സ്പൂൺ

• തേങ്ങ ചുരണ്ടിയത് – ഒരു മുറി തേങ്ങയുടേത്

• ചെറിയ ഉള്ളി: 10-15 എണ്ണം

• നെയ്യ്: 2-3 ടീസ്പൂൺ

• ഉപ്പ് – പാകത്തിന്

പാകം ചെയ്യുന്ന വിധം

• ഉലുവയും അരിയും നന്നായി കഴുകി കുതിർക്കാൻ വെക്കുക.

• നാലു കപ്പ് വെള്ളത്തിൽ അരിയും ഉലുവയും നന്നായി വേവിക്കുക.‌

• അരിയും ഉലുവയും വെന്തു വരുമ്പോൾ, ഇതിലേക്ക് തേങ്ങയും ജീരകവും കൈകൊണ്ട് ഞെരടി യോജിപ്പിച്ചത് ചേർത്തിളക്കാം.

• പാകത്തിന് ഉപ്പും ചേർത്ത്, ചെറിയ ഉള്ളി നെയ്യിൽ വഴറ്റി കഞ്ഞിക്ക് മുകളിലിട്ട് ചൂടോടെ കഴിക്കാവുന്നതാണ്

കർക്കടകത്തിൽ 7 ദിവസമെങ്കിലും ഇതുപോലെ കഞ്ഞി ഉണ്ടാക്കി കുടിക്കുന്നത് ആരോഗ്യത്തിനു വളരെ നല്ലതാണ്.