പ്രസവശേഷം ശരീരത്തിലുണ്ടായ മാറ്റങ്ങൾ, ട്രോളുകൾക്ക് മറുപടി പറഞ്ഞ് താരം, വീണ്ടും വൈറലായി കത്രീനയും ഡയറ്റ്

ബോളിവുഡിൽ വർഷങ്ങളായി ഫിറ്റ്നസ് ഐക്കൺ എന്ന് അറിയപ്പെടുന്ന താരമാണ് കത്രീന കൈഫ്. കൃത്യമായ ഡയറ്റ് നിയന്ത്രണങ്ങളും വർക്ക്ഔട്ടുകളും പിന്തുടരുന്ന താരം പക്ഷെ അമ്മയായതിന് ശേഷം അവരുടെ ശരീരത്തിലുണ്ടായ മാറ്റങ്ങൾ ചൂണ്ടിക്കാട്ടി ഇപ്പോൾ സോഷ്യൽ മീഡിയയിൽ ചർച്ചകൾ സജീവമാവുകയാണ്.

ആരോ​ഗ്യ വാർത്തകൾ കൂടുതൽ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക്  ചെയ്യുക

അംബാനി കുടുംബത്തിന്റെ വിനായക ചതുർഥി ആഘോഷത്തിൽ പങ്കെടുക്കുന്നതിന് ഭർത്താവ് വിക്കി കൗശലിനൊപ്പം എത്തിയ കത്രീനയുടെ ചിത്രങ്ങൾ വെച്ച് 'before and after' പോസ്റ്റുകളും സോഷ്യൽമീഡിയയിൽ പ്രചരിക്കുന്നുണ്ട്. എന്നാൽ അതിനെതിരെ ഒരു വിഭാവം സോഷ്യൽമീഡിയയിൽ രം​ഗത്തെത്തിയിരുന്നു. പ്രസവശേഷമുള്ള ശരീരത്തിലെ മാറ്റങ്ങൾ സ്വാഭാവികമാണെന്ന് ആരാധകർ ചൂണ്ടിക്കാട്ടുന്നു.

വർഷങ്ങളായി ഇത്രയേറെ ശ്രദ്ധയോടെ ഫിറ്റ്‌നസ് പിന്തുടർന്ന ഒരാൾ ആയിരുന്നിട്ടും, പ്രസവശേഷം ശരീരത്തിൽ വന്ന മാറ്റങ്ങളുടെ പേരിൽ കത്രീനയ്ക്ക് സോഷ്യൽ മീഡിയയിൽ വിമർശനം നേരിടേണ്ടി വന്നതാണ് ഇപ്പോഴത്തെ ചർച്ച. കഴിഞ്ഞ നവംബറിലാണ് കത്രീന കഫൈനും വിക്കി കൗശലിനും പെൺകുഞ്ഞ് ജനിക്കുന്നത്.

അതേസമയം, പ്രസവശേഷം ശരീരരൂപത്തിൽ ഉണ്ടായ മാറ്റത്തെ തുടർന്ന് നേരിടേണ്ടി വന്ന ബോഡി-ഷെയിമിംഗിനെക്കുറിച്ച്, മറ്റുള്ളവരുടെ പ്രതീക്ഷകൾക്കൊത്ത് ഉയരുന്നതിനേക്കാൾ ആത്മവിശ്വാസവും സ്വന്തം ശരീരത്തിൽ കംഫർട്ട് ആയ ഒരവസ്ഥയും അനുഭവപ്പെടുന്നതിനാണ് പ്രാധാന്യം നൽകേണ്ടതെന്ന് കത്രീന കൈഫ് പ്രതികരിച്ചു.

പ്രസവശേഷം ശരീരഭാരം, ശരീരഘടന, വയറിന്റെ രൂപം, ഹോർമോണുകൾ, ഉറക്കം, ശാരീരിക പ്രവർത്തനങ്ങൾ എന്നിവയിൽ മാറ്റങ്ങൾ ഉണ്ടാകുന്നത് സ്വാഭാവികമാണ്. പ്രസവശേഷമുള്ള ശരീരമാറ്റങ്ങൾക്ക് എല്ലാവർക്കും ഒരേ സമയപരിധിയുമില്ല.

ഇതിനിടെ 2019ൽ GQ Indiaയ്ക്ക് കത്രീന നൽകിയ അഭിമുഖത്തിൽ അവരുടെ ഫിറ്റ്നസ് രീതികളും ഡയറ്റും വീണ്ടും ശ്രദ്ധ നേടുകയാണ്. ഡയറ്റിൽ നിന്ന് മൂന്ന് കാര്യങ്ങളാണ് ഒഴിവാക്കിയിട്ടുള്ളതെന്ന് കത്രീന പറയുന്നു.

ഗ്ലൂട്ടൻ, റിഫൈൻഡ് ഷുഗർ, ഡയറി എന്നീ മൂന്ന് കാര്യങ്ങൾ തൻ്റെ ഡയറ്റിൽ ഉൾപ്പെടുത്താറില്ലെന്ന് താരം വിശദീകരിക്കുന്നു.

എന്നാൽ കാർബോഹൈഡ്രേറ്റുകളെ പൂർണമായി ഒഴിവാക്കുന്ന ഡയറ്റിനോട് താരത്തിന് യോജിപ്പില്ല. കാർബ്‌സ് കഴിക്കുന്നതിൽ തെറ്റൊന്നുമില്ലെന്നും കത്രീന വ്യക്തമാക്കിയിരുന്നു. ഇഡ്ഡലി, ചോറ് തുടങ്ങിയ കാർബോഹൈഡ്രേറ്റ് അടങ്ങിയ ഭക്ഷണങ്ങൾ കഴിക്കുന്നതിനെക്കുറിച്ചും കത്രീന മുമ്പ് സംസാരിച്ചിട്ടുണ്ട്.

അതായത്, ഫിറ്റ്‌നസിനായി ഭക്ഷണം പൂർണമായി നിയന്ത്രിക്കുക എന്നതിലുപരി, തനിക്ക് അനുയോജ്യമായ ചില ഭക്ഷണനിയമങ്ങൾ പിന്തുടരുകയായിരുന്നു കത്രീനയുടെ സമീപനം.

ആഴ്ചയിൽ ആറു ദിവസം വർക്കൗട്ട്

ഭക്ഷണക്രമത്തിനൊപ്പം വ്യായാമത്തിനും കത്രീന വലിയ പ്രാധാന്യം നൽകിയിരുന്നു. ആഴ്ചയിൽ ആറ് ദിവസം, കുറഞ്ഞത് 45 മിനിറ്റെങ്കിലും വ്യായാമം ചെയ്യാൻ ശ്രമിക്കാറുണ്ടെന്ന് താരം പറഞ്ഞിട്ടുണ്ട്.

സ്‌ട്രെങ്ത് ട്രെയിനിങ്, യോഗ, ഡാൻസ് അധിഷ്ഠിത വർക്കൗട്ടുകൾ തുടങ്ങിയവയും കത്രീനയുടെ ഫിറ്റ്‌നസ് രീതിയുടെ ഭാഗമായിട്ടുണ്ട്.