നിരവധി പോഷകഗുണങ്ങൾ അടങ്ങിയതാണ് തേൻ. ഭക്ഷണത്തിന്റെ രുചി കൂട്ടുന്നതു മുതൽ ഔഷധങ്ങളിലും തേൻ ഒരു അഭിവാജ്യ ഘടകമാണ്. എന്നാൽ ചൂടാക്കിയാൽ തേനിന്റെ ഈ സ്വഭാവങ്ങളെല്ലാം മാറി, അവ വിഷമയമാകുമെന്നാണ് ആയുർവേദ വിദഗ്ധർ ചൂണ്ടിക്കാണിക്കുന്നത്.
തേൻ ചൂടാക്കുമ്പോൾ അതിൽ അടങ്ങിയ രാസഘടനയിൽ മാറ്റം വരികയും ഹൈഡ്രോക്സിമീഥൈൽ (HMF) എന്ന വിഷവസ്തു ഉത്പാദിപ്പിക്കുകയും ചെയ്യുന്നു. തേൻ ഉയർന്ന താപനിലയിൽ (60 ഡിഗ്രി സെൽഷ്യസ് അല്ലെങ്കിൽ 140 ഡിഗ്രി F ന് മുകളില്) ചൂടാക്കുമ്പോൾ HMF രൂപപ്പെടുന്നു. കൂടാതെ തേനിലെ പ്രധാനഘടകങ്ങളായ എൻസൈമുകൾ, ആന്റി ഓക്സിഡന്റുകൾ, ബയോ ആക്ടീവ് സംയുക്തങ്ങള് എന്നിവയെ ചൂടു തട്ടുമ്പോൾ നശിപ്പിക്കുന്നു.
അതുകൊണ്ട് വിഷാംശം ഇല്ലാതിരിക്കാനും പോഷകഗുണം നഷ്ടപ്പെടാതിരിക്കാനും തേന് ചൂടാക്കുന്നതോ തിളച്ച വെള്ളത്തില് ഒഴിക്കുന്നതോ ഒഴിവാക്കുന്നതാണ് നല്ലത്. 40 ഡിഗ്രി സെൽഷ്യസിന് താഴെ ചൂടാക്കുന്നത് അപകടമുണ്ടാക്കില്ല. സംസ്കരിച്ച തേൻ പാസ്ചറൈസ് ചെയ്ത് ഫിൽറ്റർ ചെയ്യാറുണ്ട്. ഇത് തേനിലെ അണുക്കളും ബാക്ടീരിയകളും നശിക്കാൻ സഹായിക്കുമെങ്കിലും ഈ പ്രക്രിയയിലൂടെ തേനിലെ ചില ഗുണങ്ങള് നഷ്ടപ്പെടുന്നുണ്ടത്രേ.
ഉയര്ന്ന താപനിലയില് തേന് ചൂടാക്കരുത്. ചൂടുവെള്ളത്തില് തേന് ചേര്ത്ത് കഴിക്കുന്നവര് വെളളത്തിന്റെ ചൂട് അല്പ്പം കുറയുമ്പോള് തേന് ചേര്ക്കുക.
സ്മൂത്തികള്, സാലഡ് ഡ്രസിംഗുകള് എന്നിവയില് ചൂട് ഇല്ലാതെ തേന് ഉപയോഗിക്കുക.
തേന് അതിന്റെ സാധാരണ നിലയില് കഴിക്കുന്നതാണ് ഏറ്റവും ഉത്തമം. തൈര്, ഓട്സ്, പഴങ്ങള് എന്നിവയില് തേന് ചേര്ത്ത് കഴിക്കാം. സാധാരണ തേനില് എന്സൈമുകളും ആന്റിഓക്സിഡന്റുകളും ധാരാളമായി അടങ്ങിയിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
