രാത്രി രക്തത്തിലെ പഞ്ചസാര പെട്ടെന്ന് കൂടിയാൽ എന്ത് ചെയ്യണം?

രക്തത്തിലെ പഞ്ചസാരയുടെ അളവിൽ ഏറ്റക്കുറച്ചിലുകൾ ഉണ്ടാവുക സ്വാഭാവികമാണ്. എന്നാൽ ചിലർക്ക് രാത്രിയിൽ പെട്ടെന്ന് രക്തത്തിലെ പഞ്ചസാരയുടെ അളവു കുറയാനും ​ഗുരുതരാവസ്ഥയിലാകാനും സാധ്യതയുണ്ട്. നൊക്ട്രേണൽ ഹൈപ്പോ​ഗ്ലൈസീമിയ എന്നാണ് ഈ അവസ്ഥയെ വിശേഷിപ്പിക്കുന്നത്.

പ്രമേഹ രോ​ഗികൾക്ക് മാത്രമല്ല, അപൂർവമായാണെങ്കിലും പ്രമേഹമില്ലാത്തവരിലും ഈ അവസ്ഥ സംഭവിക്കാം. ഹൃദയം വരെ നിലയ്ക്കാവുന്ന സാഹചര്യത്തിലേക്ക് ഹൈപ്പോ​ഗ്ലൈസീമിയ നയിക്കാം. എന്തുകൊണ്ടാണ് രാത്രിയിൽ രക്തത്തിലെ പഞ്ചസാരയുടെ അളവു കുറയാൻ കാരണം? അത്തരം സാഹചര്യങ്ങളിൽ എന്തു ചെയ്യണം?

രക്തത്തിലെ പഞ്ചസാരയുടെ അളവു പെട്ടെന്ന് കുറയാൻ പല ഘടകങ്ങൾ ഉണ്ട്:

• ഉപവസിക്കുന്നതു കൊണ്ടോ അല്ലാതെയോ ഭക്ഷണം ഒഴിവാക്കുന്നത്.

• പോഷകക്കുറവു മൂലം.

• ആരോഗ്യകരമായ കാർബോഹൈഡ്രേറ്റിന്റെ അളവു കുറയുന്നത്.

• രാത്രി ഏറെ വൈകി വർക്ഔട്ട് ചെയ്യുന്നത്

• രാത്രി മദ്യം കഴിക്കുന്ന ശീലമുണ്ടെങ്കിൽ

• കൂടിയ അളവിൽ ഇൻസുലിൻ എടുക്കുന്നതു മൂലം

• തെറ്റായ സമയത്ത് ഇൻസുലിൻ എടുക്കുന്നത്

രക്തത്തിലെ പഞ്ചസാരയുടെ അളവു പെട്ടെന്ന് കുറഞ്ഞാൽ എന്ത് ചെയ്യണം?

• എപ്പോഴും ആരോ​ഗ്യകരമായ ലഘുഭക്ഷണം കയ്യിൽ കരുതുക.

• 15 ​ഗ്രാം കാർബോഹൈഡ്രറ്റ് അടങ്ങിയ ഭക്ഷണം കഴിക്കുന്നത് രക്തത്തിലെ പഞ്ചസാരയുടെ അളവു പെട്ടെന്ന് കൂടാൻ സഹായിക്കും.

• ഭക്ഷണത്തിൽ ആരോഗ്യകരമായ കാർബോഹൈഡ്രേറ്റ് നാച്വറൽ ഷുഗർ, പഴങ്ങൾ, പച്ചക്കറികൾ ഇവ ഉൾപ്പെടുത്താം.