സ്വന്തമായി ഒന്നിലേറെ 'ബ്യൂട്ടീഷ്യന്'മാരെയും കൊണ്ടാണ് മനുഷ്യര് ജീവിക്കുന്നതെന്നാണ് യുഎസിലെ വിസ്കോസിന് യൂണിവേഴ്സിറ്റിയിലെ ശാസ്ത്രജ്ഞര് പറയുന്നത്. ശരീരത്തിലുള്ള ചില ജീനുകളാണ് സൗന്ദര്യത്തെ നിര്ണയിക്കുന്നതെന്നും ഇവയെ തിരിച്ചറിഞ്ഞതായും ഗവേഷകരുടെ പഠന റിപ്പോര്ട്ടില് പറയുന്നു. ഈ ജീനുകളിലാണ് മുഖത്തിന്റെ ഭംഗിയും ശരീരത്തിന്റെ ഘടനയും തീരുമാനിക്കുന്ന ബ്യൂട്ടീസ്പോട്ടുകള് ഒളിഞ്ഞിരിക്കുന്നത്.
സ്ത്രീകളിലും പുരുഷന്മാരിലും ഈ ജീനുകളുടെ സ്വാധീനം വ്യത്യാസപ്പെട്ടാണ് ഇരിക്കുന്നത്. ഓരോ വ്യക്തികളിലും ജീനുകള് വ്യത്യസ്തമായതിനാലാണ് ചിലര്ക്ക് കുറച്ച് കൂടുതല് ഭംഗി തോന്നിക്കുന്നതെന്നും പഠനം പറയുന്നു. മുഖ സൗന്ദര്യത്തിന് പുറമെ സ്ത്രീകളുടെ ആകാര ഭംഗി നിര്ണയിക്കുന്നതും പുരുഷന്മാരിലെ കൊളസ്ട്രോളിനെ ക്രമീകരിച്ച് ഫിറ്റാക്കുന്നതുമാണ് ഈ ജീനുകളുടെ പ്രധാന ജോലി.
ഒരേ പ്രായത്തിലും പ്രദേശത്തുമുള്ള സ്ത്രീ-പുരുഷന്മാരെയാണ് ഗവേഷകര് പഠന വിധേയമാക്കിയത്. തുടര് പഠനങ്ങള് വലിയ ഗ്രൂപ്പുകളില് നടത്താനാണ് ഗവേഷകരുടെ പദ്ധതി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
