പാട്ടുപാടുന്നതുവഴി പാര്‍ക്കിന്‍സണ്‍സ് രോഗം ബാധിച്ചവരില്‍ സമ്മര്‍ദ്ദം കുറയ്ക്കാമെന്നും രോഗലക്ഷണങ്ങളെ വലിയ തോതില്‍ തടയാനാകുമെന്നും പഠനം. മ്യൂസിക്കല്‍ തെറാപ്പി വൈദ്യചികിത്സയ്ക്ക് സമാനമാണെന്ന് കണ്ടെത്തിയ ശാസ്ത്ര സംഘം തന്നെയാണ് പുതിയ കണ്ടെത്തലിന് പിന്നിലും.
17പേരടങ്ങുന്ന ഒരു സംഘം ആളുകളിലാണ് പഠനം നടത്തിയത്. സമ്മര്‍ദ്ദത്തിനും പാര്‍ക്കിന്‍സണ്‍സ് ലക്ഷണങ്ങള്‍ക്കും പുറമേ ഇവരില്‍ വിഷാദം, ഉല്‍കണ്ഠ, ദേഷ്യം തുടങ്ങിയവയും കാണപ്പെട്ടിരുന്നെന്നും എന്നാല്‍ ഗവേഷണത്തിന്റെ ഓരോ ആഴ്ചയിലും പങ്കെടുത്തവരില്‍ മാറ്റം പ്രകടമായിരുന്നെന്നും പഠനത്തിന് നേതൃത്വം നല്‍കിയ എലിസബത്ത് സ്റ്റെഗ്മൊല്ലെര്‍ പറഞ്ഞു.
കൈകള്‍ ഇടയ്ക്കിടെ അടിച്ചുകൊണ്ടിരിക്കുന്നതു പോലുള്ള പ്രത്യേകതരം ചലനരീതികള്‍ക്ക് പലപ്പോഴും മരുന്നുകള്‍ കൊണ്ട് കാര്യമായി പുരോഗതി കാണാറില്ല. പക്ഷെ പാട്ടുപാടുന്നതിലൂടെ ഇത്തരം ലക്ഷണങ്ങളില്‍ വലിയ മാറ്റം കണ്ടെന്നാണ് ഗവേഷകര്‍ അവകാശപ്പെടുന്നത്. പാര്‍ക്കിന്‍സണ്‍സ് രോഗമുള്ളവരില്‍ സമ്മര്‍ദ്ദം കുറയ്ക്കാനും ഇത്തരം ആളുകളുടെ ജീവിതനിലവാരം ഉയര്‍ത്താനും പാട്ടുപാടുന്നതുവഴി സാധിക്കുമെന്നാണ് പഠനത്തിലെ വിലയിരുത്തല്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
