തായ്‌വാനിലെ ഒരു നാടൻ ഭക്ഷണശാലയിൽ വിളമ്പിയ വ്യത്യസ്തമായ ഒരു വിഭവമാണ് ഇപ്പോൾ ശ്രദ്ധനേടുന്നത്. ''ഗോഡ്‌സില്ല റാമെൻ'', എന്ന വിഭവമാണ് താരം. മുതലയുടെ കാലുകളുമായാണ് ഈ സൂപ്പ് ബൗൾ മുന്നിലെത്തുന്നത്. ഒരു സ്ത്രീ ഈ സൂപ്പ് ആസ്വദിച്ച് കഴിക്കുന്ന വിഡിയോയാണ് ഇപ്പോൾ വൈറലായിരിക്കുന്നത്.
'നു വു മാവോ കുയെ' എന്ന റെസ്റ്റോറന്റിന്റെ ഫേയ്സ്ബുക്ക് പേജിലാണ് പുതിയ വിഭവത്തെ പരിചയപ്പെടുത്തി കൊണ്ടുള്ള വിഡിയോ പങ്കുവച്ചിരിക്കുന്നത്. മുട്ടയും ബേബി കോണും ബാംബൂ ഷൂട്ട്സും എല്ലാ ചേർന്നൊരു ബൗളാണ് സംഗതി. പക്ഷെ, മുതലയുടെ കാല് തന്നെയാണ് ബൗളിലെ ശ്രദ്ധാകേന്ദ്രം. മുൻകൂട്ടി ഓർഡർ ചെയ്താൽ മാത്രമേ ഈ വിഭവം ലഭിക്കുകയുള്ളു.
തായ്തുങിലെ ഒരു ഫാമിൽ നിന്നാണ് കടയുടമ മുതലയെ വാങ്ങുന്നത്. നാല്പതോളം ചേരുവകളുള്ള ഈ വിഭവത്തിൽ മുതലയുടെ മുൻകാലുകളാണ് ഉപയോഗിക്കുന്നത്. 1500 ന്യൂ തായ്‌വാൻ ഡോളർ അതായത് എകദേശം 4000രൂപയാണ് ഇതിന്റെ വില. ഗോഡ്‌സില്ല റാമെൻ കണ്ട് ഒരു കൈ നോക്കണമെന്ന് പറയുന്നവർ ഒരുപാടുണ്ട്. ഇതിന്റെ രുചി എങ്ങനെയായിരിക്കും എന്നറിയാനുള്ള കൗതുകം തന്നെയാണ് കൂടുതൽ പേർക്കുമുള്ളത്. എന്നാൽ ചിലരാകട്ടെ ഈ സംഭവത്തിൽ വിഡിയോ കണ്ടുതന്നെ ഭയന്നുപോയി.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
