ടൂറിന്‍: ഇറ്റാലിയന്‍ ക്ലബ്ബ് യുവന്റസിന്റെ മുന്നേറ്റനിരയിലെ കുന്തമുന താരം അര്‍ജന്റീനയുടെ പോളോ ഡിബാല 2022വരെ യുവന്റസില്‍ തന്നെ തുടരും. നിലവിലെ സീരി എ ചാംപ്യന്‍മാരായ യുവന്റസുമായി താരം പുതിയ കരാറൊപ്പുവെച്ചു.
മെസ്സിക്കു ശേഷം അര്‍ജന്റീനയുടെ സൂപ്പര്‍ താരമാകുമെന്ന് വിലയിരുത്തുന്ന ഡിബാലയ്ക്കായി ഇംഗ്ലീഷ് പ്രീമിയര്‍ ലീഗ് വമ്പന്‍മാരായ മാഞ്ചസ്റ്റര്‍ യുണൈറ്റഡ്, ചെല്‍സി സ്പാനിഷ് ലീഗ് ക്ലബ്ബുകളായ ബാഴ്‌സലോണ, റിയല്‍ മാഡ്രിഡ് എന്നീ ക്ലബ്ബുകള്‍ വലവിരിച്ചിരുന്നവെന്ന് റിപ്പോര്‍ട്ടുകളുണ്ടായിരുന്നു.
ഈ സീസണില്‍ 23 കാരനായ ഡിബാല ക്ലബ്ബിന് വേണ്ടി 16 ഗോളുകള്‍ നേടിയിരുന്നു. എല്ലാകാര്യത്തിലും വിജയിക്കണമെങ്കില്‍ യുവന്റസാകും ഏറ്റവും മികച്ചതെന്ന് താരം കരാര്‍ ഒപ്പുവെച്ച് വ്യക്തമാക്കി. എത്ര തുകയ്ക്കാണ് കരാര്‍ പുതുക്കിയതെന്ന് വ്യക്തമല്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
