സൗദിയില് ബാഴ്സയുടെ ജെഴ്സിയണിഞ്ഞാല് 15 വര്ഷം തടവ്
റിയാദ്: സൗദിയിലെ ബാഴ്സലോണ ആരാധകര് ജയിലിലില് കിടക്കേണ്ടി വരുമോ? ഖത്തര് എയര്വേയ്സ് സ്പോണ്സര് ചെയ്ത ബാഴ്സലോണയുടെ ജെഴ്സിയണിഞ്ഞാല് സൗദി അറേബ്യയില് 15 വര്ഷം തടവ്.
തീവ്രവാദത്തെ പ്രാത്സാഹിപ്പിക്കുന്നുവെന്ന് ആരോപിച്ച് ഖത്തറുമായുള്ള നയതന്ത്ര ബന്ധം വിഛേദിച്ച സൗദി അറേബ്യ ഖത്തറുമായി ബന്ധപ്പെട്ട എല്ലാ കാര്യങ്ങള്ക്കും വിലക്കേര്പ്പെടുത്താനുള്ള സൗദി സര്ക്കാരിന്റെ നീക്കത്തില് ലോകത്തിലെ ഏറ്റവും മികച്ച ക്ലബ്ബുകളിലൊന്നായ ബാഴ്സലോണയുടെ സൗദി ആരാധകര് ആശങ്കയിലാണ്.
കഴിഞ്ഞ നാല് സീസണുകളിലും ബാഴ്സലോണയുടെ ഔദ്യോഗിക സ്പോണ്സര് ആയിരുന്നു ഖത്തര് എയര്വേയ്സിനെ മാറ്റി അടുത്ത വര്ഷം മുതല് ജപ്പാന് ഇ കൊമേഴ്സ് കമ്പനി റാക്കുട്ടനുമായി ക്ലബ്ബ് കരാറിലെത്തിയിട്ടുണ്ട്. 2011ല് യൂണിസെഫിന്റെ ചില്ഡ്രന്സ് ചാരിറ്റി ലോഗോ മാറ്റിയാണ് ഖത്തര് എയര്വെയ്സ് കരാറിലെത്തിയിരുന്നത്.
അതേസമയം, ഫ്രഞ്ച് ലീഗ് വണ് ക്ലബ്ബ് പാരിസ് സെന്റ്ജെര്മനും ഖത്തര് എയര്വേയ്സിന്റെ സ്പോണ്സര് ചെയ്യുന്ന ജെഴ്സിയാണ് അണിയുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
