ഇന്ത്യയില്‍ നടക്കുന്ന ഫിഫ അണ്ടര്‍ 17 ലോകകപ്പിന്റെ ഔദ്യോഗിക ഗാനം പുറത്തിറങ്ങി. കര്‍ കെ ദിഖ്‌ലാ ദേ ഗോള്‍ എന്ന ഗാനം ഇതിനോടകം തന്നെ വൈറലായിക്കഴിഞ്ഞു. സച്ചിന്‍ ടെണ്ടുല്‍ക്കര്‍, ബൈചുങ് ബൂട്ടിയ അഭിഷേക് ബച്ചന്‍ തുടങ്ങിയ പ്രമുഖരാണ് പാട്ടിന്റെ ആവേശത്തിലെത്തുന്നത്.
അമിതാഭ് ഭട്ടാചാര്യയാണ് ഗാനം രചിച്ചിരിക്കുന്നത്. പ്രശസ്ത സംഗീത സംവിധായകന്‍ പ്രിതം ചക്രവര്‍ത്തിയാണ് ഗാനത്തിനു സംഗീതം നല്‍കിയിരിക്കുന്നത്. ഇന്ത്യയുടെ കലാസാംസ്‌ക്കാരിക വൈവിധ്യങ്ങളെ ഉള്‍പ്പെടുത്തി മനോഹരമായാണ് ഗാനം ചിത്രീകരിച്ചിരിക്കുന്നത്.
കൗമാര ലോകകപ്പിന് വേദിയൊരുക്കി കാത്തിരിക്കുന്ന ഫുട്‌ബോള്‍ ആരാധകര്‍ പാട്ട് രണ്ടു കയ്യും നീട്ടി സ്വീകരിച്ചുകഴിഞ്ഞു. കളിയുടെ ആവേശം ഒട്ടും ചോരാതെയാണ് പാട്ട് ഒരുക്കിയിരിക്കുന്നത് എന്നാണ് ഇതിന്റെ ഏറ്റവും വലിയ സവിശേഷത.
ഒക്ടോബര്‍ 6 മുതലാണ് ലോകകപ്പ് മത്സരങ്ങള്‍ ആരംഭിക്കുന്നത്. കൊല്‍ക്കത്ത, ദല്‍ഹി, മുംബൈ, മാര്‍ഗോ, ഗുവാഹത്തി എന്നിവയാണ് കൊച്ചിയ്ക്ക് പുറമെ ലോകകപ്പിന് ആതിഥ്യമരുളുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
