കീവീസ് മണ്ണിലെ ആദ്യ ട്വന്റി20 പരമ്പര ജയം ലക്ഷ്യമിട്ടിറങ്ങുന്ന ഇന്ത്യ മൂന്നാം ട്വന്റി20യില്‍ ടോസ് നേടി ബൗളിങ് തെരഞ്ഞെടുത്തു. ആദ്യ രണ്ട് ട്വന്റി20യില്‍ ഇറങ്ങിയ ടീമില്‍ നിന്നും ഒരു മാറ്റം ഇന്ത്യ വരുത്തി. ചഹലിന് പകരം കുല്‍ദീപ് യാദവ് ടീമിലേക്കെത്തി. കീവീസിന്റെ പ്ലേയിങ് ഇലവനിലേക്ക് ബ്ലെയര്‍ ടിക്‌നര്‍ ട്വന്റി20യിലെ തന്റെ അരങ്ങേറ്റം കുറിക്കാനെത്തുന്നു.
രോഹിത്തിന്റെ ബാറ്റില്‍ നിന്നും രണ്ട് സിക്‌സുകള്‍ കൂടി പിറക്കുന്നത് കാണുവാനുള്ള കാത്തിരിപ്പിലാണ് ആരാധകര്‍. രണ്ട് സിക്‌സ് കൂടി പറത്തിയാല്‍ ട്വന്റി20യില്‍ ഏറ്റവും കൂടുതല്‍ സിക്‌സ് പറത്തുന്ന താരമെന്ന റെക്കോര്‍ഡ് രോഹിത്തിന്റെ പേരിലാവും. ഇപ്പോള്‍ 102 സിക്‌സാണ് രോഹിത് ട്വന്റി20യില്‍ അടിച്ചത്. നിലവില്‍ ഒന്നാമതുള്ളത് കീവീസിന്റെ മാര്‍ട്ടിന്‍ ഗപ്ടിലും വിന്‍ഡിസിന്റെ ഗെയിലും.
103 സിക്‌സ് വീതമാണ് ഇരുവരും നേടിയത്. ഹാമില്‍ട്ടണില്‍ കീവീസ് പ്ലേയിങ് ഇലവനിലേക്ക് ഗപ്ടില്‍ എത്തിയിട്ടില്ലാത്തതിനാല്‍ സിക്‌സുകള്‍ ആദ്യ ഇന്നിങ്‌സില്‍ അടിച്ച് ഗപ്ടില്‍ റെക്കോര്‍ഡ് കാത്ത് സൂക്ഷിക്കാന്‍ ശ്രമിച്ചേക്കുമെന്ന
ആ ഭീഷണി ഒഴിഞ്ഞുകിട്ടി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
