ദുബായ്: ഐപിഎല്ലില് സണ്റൈസേഴ്സ് ഹൈദരാബാദിനെതിരെ റോയല് ചലഞ്ചേഴ്സ് ബാംഗ്ലൂരിന് മികച്ച തുടക്കം. അര്ധ സെഞ്ച്വറിയുമായി മലയാളി യുവ താരം ദേവദത്ത് പടിക്കല് മിന്നല് തുടക്കമാണ് ആര്സിബിക്ക് നല്കിയത്.
ടോസ് നഷ്ടപ്പെട്ട് ആദ്യം ബാറ്റ് ചെയ്യാന് ഇറങ്ങിയ റോയല് ചലഞ്ചേഴ്സ് ബാംഗ്ലൂരിനെ വമ്പനടികഴളിലൂടെ ദേവദത്തും ഓസീസ് നായകന് ആരോണ് ഫിഞ്ചും മുന്നോട്ട് നയിക്കുകയായിരുന്നു. 11 ഓവര് പിന്നിടുമ്പോള് ബാംഗ്ലൂര് രണ്ട് വിക്കറ്റ് നഷ്ടത്തില് 90 റണ്സെന്ന നിലയില്.
ദേവദത്ത് 42 പന്തില് എട്ട് ഫോറുകളടക്കം 56 റണ്സെടുത്ത് പുറത്തായി. ഫിഞ്ച് 27 പന്തില് 29 റണ്സുമായി പുറത്തായി. രണ്ട് സിക്സും ഒരു ഫോറുമാണ് ഫിഞ്ച് പറത്തിയത്.
നേരത്തെ ടോസ് നേടിയ സണ്റൈസേഴ്സ് ബൗളിങ് തിരഞ്ഞെടുത്തു. തുടര്ച്ചയായ മൂന്നാം മത്സരത്തിലാണ് ടോസ് നേടുന്ന ക്യാപ്റ്റന് ആദ്യം ബൗള് ചെയ്യാന് തീരുമാനിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ