സെഞ്ചൂറിയന്‍: സൗത്ത് ആഫ്രിക്കയ്ക്ക് എതിരായ ആദ്യ ടെസ്റ്റില്‍ ടോസ് ഇന്ത്യക്ക്. ടോസ് നേടിയ ഇന്ത്യ ബാറ്റിങ് തെരഞ്ഞെടുത്തു.
ആദ്യദിനം തന്നെ കൂടുതല്‍ റണ്‍സ് കണ്ടെത്തുക ലക്ഷ്യമിട്ടാണ് ആദ്യം ബാറ്റിങ് തെരഞ്ഞെടുത്തത് എന്ന് ബാറ്റിങ് തെരഞ്ഞെടുത്ത ശേഷം കോഹ്‌ലി പറഞ്ഞു. മൂന്ന് സീമര്‍മാരും ഒരു സ്പിന്നറുമായാണ് ഇന്ത്യ കളിക്കുന്നത്.
മുഹമ്മദ് സിറാജ്, ബൂമ്ര, ഷമി എന്നിവരാണ് ഫാസ്റ്റ് ബൗളിങ് നിരയില്‍ സെഞ്ചൂറിയനില്‍ കളിക്കുന്നത്. ഓള്‍റൗണ്ടറായി ശര്‍ദുല്‍ താക്കൂര്‍ ടീമിലേക്ക് എത്തി. അശ്വിനാണ് സ്പിന്നര്‍. മധ്യനിരയില്‍ രഹാനെയെ തന്നെയാണ് ഇന്ത്യ തെരഞ്ഞെടുത്തത്.
ന്യൂസിലാന്‍ഡിന് എതിരെ അരങ്ങേറ്റ ടെസ്റ്റില്‍ തന്നെ മികവ് കാണിച്ച ശ്രേയസ് അയ്യര്‍ പ്ലേയിങ് ഇലവനിലേക്ക് എത്തിയേക്കും എന്ന് വിലയിരുത്തപ്പെട്ടിരുന്നു. എന്നാല്‍ രഹാനെയുടെ പരിചയസമ്പത്തിനൊപ്പം നില്‍ക്കാന്‍ തന്നെ ടീം മാനേജ്‌മെന്റ് തീരുമാനിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
