ലാഹോര്‍: ട്വന്റി20 ലോകകപ്പില്‍ ഇന്ത്യ സെമി കാണാതെ പുറത്തായതിന് പിന്നാലെ ഇന്ത്യയെ ട്രോളി പാകിസ്ഥാന് ക്രിക്കറ്റിന്റെ ട്വീറ്റ്. എങ്ങനെയുണ്ട് എന്നാണ് ക്രിക്കറ്റ് പാകിസ്ഥാന് ഇന്ത്യന്‍ ആരാധകരോട് ചോദിക്കുന്നത്.
ക്രിക്കറ്റ് പാകിസ്ഥാന്റെ ട്വീറ്റിന് മറുപടിയുമായി വസീം ജാഫറും എത്തി. 12നും ഒരുമണിക്കും ഇടയിലാണ് ഭക്ഷണം കഴിച്ചത്. ഇപ്പോഴും വയറ് നിറഞ്ഞിരിക്കുന്നു എന്നാണ് ജാഫര്‍ ക്രിക്കറ്റ് പാകിസ്ഥാന് മറുപടിയായി പറഞ്ഞത്. പാകിസ്ഥാന് എതിരെ ലോകകപ്പില്‍ 12-1ന് ജയം പിടിച്ചു എന്നതാണ് ഇവിടെ ജാഫര്‍ ചൂണ്ടിക്കാണിക്കുന്നത്.
അഞ്ചില്‍ അഞ്ചിലും ജയിച്ചാണ് പാകിസ്ഥാന് ട്വന്റി20 ലോകകപ്പ് സെമി ഫൈനലിലേക്ക് എത്തിയത്. ഓസ്‌ട്രേലിയയാണ് സെമിയില്‍ പാകിസ്ഥാന്റെ എതിരാളികള്‍. ഇന്ത്യയാവട്ടെ പാകിസ്ഥാനോടും ന്യൂസിലാന്‍ഡിനോടും നേരിട്ട തോല്‍വിയോടെ സെമി കാണാതെ പുറത്തായി. ഇന്ന് നമീബിയക്കെതിരെ ഇന്ത്യ ടൂര്‍ണമെന്റിലെ അവസാന മത്സരം കളിക്കും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
