ബോളന്ഡ് പാര്ക്ക്: ഇന്ത്യയുടെ അടുത്ത ടെസ്റ്റ് ക്യാപ്റ്റന് ആരാവും എന്ന ചോദ്യങ്ങള്ക്കിടയില് സൗത്ത് ആഫ്രിക്കയ്ക്ക് എതിരായ ഏകദിന പരമ്പരക്ക് ഒരുങ്ങുകയാണ് ഇന്ത്യ. ഏകദിനത്തിനായി പരിശീലനം ആരംഭിച്ച ഇന്ത്യയുടെ ചിത്രങ്ങളാണ് ഇപ്പോള് സമൂഹമാധ്യമങ്ങളില് വൈറലാവുന്നത്.
രോഹിത് ശര്മയ്ക്ക് പരമ്പര നഷ്ടമാവുന്നതോടെ കെഎല് രാഹുല് ആണ് ഇന്ത്യയെ നയിക്കുന്നത്. ഇവിടെ പരിശീലനത്തിന് ഇടയില് നായകന് രാഹുലിന്റെ വാക്കുകള് സഹതാരങ്ങള്ക്കൊപ്പം നിന്ന് കേള്ക്കുന്ന കോഹ് ലിയുടെ ദൃശ്യങ്ങളാണ് കൗതുകമാവുന്നത്.
നായകന്റെ ചുമതല തന്റെ കൈകളില് നിന്ന് നീങ്ങിയതോടെ ക്യാപ്റ്റനും കോച്ചും പറയുന്നത് ശ്രദ്ധിക്കുകയാണ് ഇവിടെ കോഹ്ലി. സൗത്ത് ആഫ്രിക്കയ്ക്ക് എതിരായ ഏകദിന പരമ്പര രാഹുലിന് വലിയ പരീക്ഷണമാവും. വാന്ഡറേഴ്സ് ടെസ്റ്റില് ഇന്ത്യയെ രാഹുല് നയിച്ചെങ്കിലും വലിയ വിമര്ശനമാണ് ക്യാപ്റ്റന്സിക്ക് നേരെ ഉയര്ന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ