പാള്: ദക്ഷിണാഫ്രിക്കക്കെതിരായ രണ്ടാം ഏകദിന പോരാട്ടത്തില് മികച്ച തുടക്കത്തിന് പിന്നാലെ ഇന്ത്യക്ക് തുടരെ രണ്ട് വിക്കറ്റുകള് നഷ്ടമായി. ബാറ്റിങ് തുടരുന്ന ഇന്ത്യ രണ്ട് വിക്കറ്റ് നഷ്ടത്തില് 72 റണ്സെന്ന നിലയിലാണ്. ടോസ് നേടി ഇന്ത്യ ബാറ്റിങ് തിരഞ്ഞെടുക്കുകയായിരുന്നു.
വിക്കറ്റ് നഷ്ടമില്ലാതെ 63 വരെയെത്തിയതിന് പിന്നാലെ ഇന്ത്യക്ക് ശിഖര് ധവാനെ നഷ്ടമായി. 38 പന്തില് അഞ്ച് ഫോറുകള് സഹിതം 29 റണ്സുമായി ധവാന് മടങ്ങി. എയ്ഡന് മാര്ക്രത്തിന്റെ പന്തില് സിസന്ഡ മഗള ക്യാച്ചെടുത്ത് പുറത്താക്കുകയായിരുന്നു. പിന്നാലെ എത്തിയ വിരാട് കോഹ്ലി സംപൂജ്യനായി മടങ്ങി. അഞ്ച് പന്തുകള് നേരിട്ട മുന് നായകന് റണ്ണൊന്നുമെടുക്കാതെ കേശവ് മാഹാരാജിന്റെ പന്തില് ടെംബ ബവുമയ്ക്ക് പിടി നല്കിയാണ് കൂടാരം കയറിയത്.
ക്യാപ്റ്റന് കെഎല് രാഹുല് 28 റണ്സുമായും ഋഷഭ് പന്ത് 4 റണ്സുമായും ക്രീസില്. ദക്ഷിണാഫ്രിക്കക്കായി മാര്ക്രം, കേശവ് മഹാരാജ് എന്നിവര് ഓരോ വിക്കറ്റുകള് വീഴ്ത്തി.
ഒന്നാം ഏകദിനത്തില് പരാജയപ്പെട്ട ഇന്ത്യക്ക് രണ്ടാം ഏകദിനത്തില് വിജയം അനിവാര്യമാണ്. തോല്വിയാണെങ്കില് പരമ്പര നഷ്ടമാകും. ഒന്നാം ഏകദിനം കളിച്ച ടീമില് മാറ്റമില്ലാതെയാണ് ഇന്ത്യ ഇറങ്ങിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
