നോട്ടിങ്ഹാം: ഇംഗ്ലണ്ടിനെതിരായ രണ്ടാം ടെസ്റ്റില്‍ ന്യൂസിലന്‍ഡ് ബാറ്റര്‍ ഡാരല്‍ മിച്ചലിന്റെ സിക്‌സ് വന്ന് വീണത് ആരാധികയുടെ ബിയര്‍ ഗ്ലാസില്‍. തൂവിപ്പോയ ബിയറിന് പരിഹാരവും ന്യൂസിലന്‍ഡ് ടീം തന്നെ ചെയ്തു. പകരം ബിയര്‍ നിറച്ചാണ് ന്യൂസിലന്‍ഡ് ആരാധികയെ സന്തോഷിപ്പിച്ചത്.
രണ്ടാം ടെസ്റ്റിന്റെ ആദ്യ ദിനം 56ാം ഓവറിലാണ് സംഭവം. സ്പിന്നര്‍ ജാക്ക് ലീഷിനെ ഡാരില്‍ മിച്ചല്‍ ഗ്യാലറിയിലേക്ക് പായിക്കുകയായിരുന്നു. ആരാധികയുടെ കയ്യിലിരുന്ന ബിയര്‍ ഗ്ലാസിലേക്കാണ് പന്ത് വന്ന് വീണത്. പന്ത് വീണതോടെ ബിയര്‍ ചീറ്റി പോയി,
ബിയര്‍ പോയത് കമന്റേറ്ററും ചൂണ്ടിക്കാണിച്ചു. ഇവിടെ ബൗണ്ടറി ലൈനിന് സമീപം ഫീല്‍ഡ് ചെയ്തിരുന്ന മാത്യുസ് പോട്‌സും ബിയര്‍ പോയതായി സഹതാരങ്ങളെ ആംഗ്യത്തിലൂടെ അറിയിച്ചു. പിന്നാലെയാണ് ആരാധികയ്ക്ക് ന്യൂസിലന്‍ഡ് ടീം പകരം ബിയര്‍ നല്‍കിയതായി ഇംഗ്ലീഷ് ബാര്‍മി ആര്‍മി അറിയിച്ചത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
