ഇന്ത്യക്കെതിരായ രണ്ടാം ട്വന്റി 20യിലും വിജയം ദക്ഷിണാഫ്രിക്കയ്ക്കൊപ്പം. നാല് വിക്കറ്റിനാണ് ഇന്ത്യയെ ദക്ഷിണാഫ്രിക്ക പരാജയപ്പെടുത്തിയത്. ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഇന്ത്യയെ 148 റൺസിനൊതുക്കിയ ദക്ഷിണാഫ്രിക്ക 18.2 ഓവറിൽ ലക്ഷ്യം കണ്ടു. ഹെന് റിച്ച് ക്ലാസനാണ് (81) ദക്ഷിണാഫ്രിക്കയ്ക്ക് വിജയം സമ്മാനിച്ചത്. ഇതോടെ അഞ്ച് മത്സരങ്ങളടങ്ങിയ പരമ്പരയില് ദക്ഷിണാഫ്രിക്ക 2-0ന് മുന്നിലെത്തി.
ഇന്ത്യക്കായി ഭുവനേശ്വര് കുമാര് നാല് വിക്കറ്റുകളെടുത്തു. നാലോവറില് വെറും 13 റണ്സ് മാത്രം വഴങ്ങിയാണ് ഭുവി നാലുവിക്കറ്റ് നേടിയത്. ചാഹലും ഹര്ഷല് പട്ടേലും ഓരോ വിക്കറ്റ് വീഴ്ത്തി. ചാഹല് നാലോവറില് 49 റണ്സാണ് വഴങ്ങിയത്.
ആദ്യം ബാറ്റ് ചെയ്ത ഇന്ത്യ 20 ഓവറിൽ 6 വിക്കറ്റിന് 148 റൺസെടുത്തു. 40 റൺസ് നേടിയ ശ്രേയസ് അയ്യറാണ് ഇന്ത്യൻ നിരയിലെ ടോപ്സ്കോറർ. ഇഷാന് 21 പന്തില് മൂന്ന് സിക്സും രണ്ട് ഫോറും സഹിതം 34 റണ്സെടുത്തു. ഏഴാം വിക്കറ്റില് ദിനേഷ് കാര്ത്തിക് (21 പന്തില് പുറത്താകാതെ 30), ഹര്ഷല് പട്ടേല് (9 പന്തില് പുറത്താകാതെ 12) എന്നിവര് പൊരുതാവുന്ന സ്കോറില് എത്തിക്കുകയായിരുന്നു.
ഇന്ത്യയ്ക്ക് ഇനി പരമ്പര സ്വന്തമാക്കണമെങ്കില് ഇനിയുള്ള മൂന്ന് മത്സരങ്ങളിലും വിജയം നേടണം.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ