പെട്രോളിനായി വിയർത്തൊലിച്ച് ക്യൂവിൽ, ചായയും ബണ്ണുമായി റോഷൻ മഹാനാമയുടെ നന്മ; കൈയടിച്ച് സോഷ്യൽ മീഡിയ 

കൊളംബോ: പെട്രോളും ഡീസലും കിട്ടാൻ കാത്തുകെട്ടി നിൽക്കുന്ന ശ്രീലങ്കക്കാരുടെ ദയനീയാവസ്ഥയ്ക്കു പറ്റാവുന്ന സഹായവുമായി എത്തുകയാണ് ശ്രീലങ്കയുടെ മുൻ ക്രിക്കറ്റർ റോഷൻ മഹാനാമ. വിയർത്തൊലിച്ച് ക്യൂവിൽ നിൽക്കുന്ന ദ്വീപു നിവാസികൾ ചായയും ബണ്ണുമായി റോഷനെത്തുന്നു. 

കഴിഞ്ഞ ദിവസം വിജെരമ റോഡിലെ പമ്പിൽ ഒരു ട്രേ നിറയെ ലഘുഭക്ഷണവും ചായയുമായി നിൽക്കുന്ന മഹാനാമയുടെ ചിത്രങ്ങൾ സാമൂഹിക മാധ്യമങ്ങളിലും വൈറലായി.‘ആവശ്യക്കാർക്കു ഭക്ഷണം എത്തിക്കുന്ന ഒരു കൂട്ടായ്മയാണ് ഇതിനു പിന്നിൽ. ദിനംപ്രതി ക്യൂവിനു നീളം കൂടുന്നതല്ലാതെ കുറയുന്നില്ല. അതുകൊണ്ടാണു ഞങ്ങളാലാകുന്നതു ചെയ്യുന്നത് , മഹാനാമ പറഞ്ഞു.

1996ൽ ഏകദിന ലോകകപ്പ് നേടിയ ടീമിലെ ശ്രീലങ്കൻ ടീമിലെ അംഗമാണ് റോഷൻ മഹാനാമ. ക്രിക്കറ്റിൽനിന്നു വിരമിച്ച ശേഷം ഐസിസി മാച്ച് റഫറിയായിരുന്നു അദ്ദേഹം. 

ഈ വാര്‍ത്ത കൂടി വായിക്കാം 

ഗ്രൗണ്ട്സ്മാനെ നീക്കിയിരുത്തി; "ഏറ്റവും മോശം പെരുമാറ്റം"; ഋതുരാജ് ഗെയ്ക്‌വാദിന് രൂക്ഷ വിമർശനം, വിഡിയോ 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ