ധാക്ക: ഏകദിന ലോകകപ്പ് സൂപ്പര് ലീഗ് പട്ടികയില് നാലാം സ്ഥാനത്ത് എത്തി അഫ്ഗാനിസ്ഥാന്. ബംഗ്ലാദേശിന് എതിരായ മൂന്ന് ഏകദിനങ്ങളുടെ പരമ്പര 2-1ന് ബംഗ്ലാദേശ് സ്വന്തമാക്കിയെങ്കിലും അവസാന ഏകദിനത്തിലെ ജയമാണ് അഫ്ഗാനെ തുണച്ചത്.
നിലവില് 70 പോയിന്റോടെയാണ് അഫ്ഗാനിസ്ഥാന് നാലാമത് നില്ക്കുന്നത്. മൂന്നാം സ്ഥാനത്ത് ഇന്ത്യയാണ്. ഇന്ത്യയും അഫ്ഗാനിസ്ഥാനും തമ്മിലുള്ളത് 9 പോയിന്റ് വ്യത്യാസം മാത്രം. 100 പോയിന്റോടെ ബംഗ്ലാദേശ് ആണ് പട്ടികയില് ഒന്നാമത്.
95 പോയിന്റോടെ ഇംഗ്ലണ്ട് രണ്ടാമതും. 68 പോയിന്റുമായി അയര്ലന്ഡ് അഞ്ചാമതും 62 പോയിന്റുമായി ശ്രീലങ്ക ആറാമതും നില്ക്കുന്നു. ഏഴാമതാണ് ഓസ്ട്രേലിയ നിലവില്. എട്ടാമത് വിന്ഡിസും ഒന്പതാം സ്ഥാനത്ത് പാകിസ്ഥാനും.
ആദ്യ രണ്ട് ഏകദിനങ്ങളും ജയിച്ച് ബംഗ്ലാദേശ് നേരത്തെ തന്നെ പരമ്പര സ്വന്തമാക്കിയിരുന്നു. അവസാന ഏകദിനത്തില് ആദ്യം ബാറ്റ് ചെയ്ത ബംഗ്ലാദേശിനെ അഫ്ഗാനിസ്ഥാന് 192 റണ്സിന് പുറത്താക്കി. 59 പന്തുകള് ശേഷിക്കെ മൂന്ന് വിക്കറ്റ് മാത്രം നഷ്ടത്തില് അഫ്ഗാനിസ്ഥാന് വിജയ ലക്ഷ്യം മറികടന്നു. അഫ്ഗാനിസ്ഥാന് വേണ്ടി റഹ്മാനുള്ള ഗര്ബാസ് സെഞ്ചുറി നേടി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ