മെഗതാര ലേലത്തിൽ കൂടി ചെന്നൈ സൂപ്പർ കിങ്‌സ് ടീമിൽ നിന്നും ബാംഗ്ലൂരിലേക്ക് എത്തിയ താരമാണ് ജോഷ് ഹേസൽവുഡ്. മികച്ച ബൗളിംഗ് പ്രകടനം തന്നെയാണ്‌ ഈ സീസണിൽ താരം പുറത്തെടുത്തത്. പക്ഷെ ഇന്നലെ കടുത്ത നിരാശയാണ് സമ്മാനിച്ചത്. പഞ്ചാബ് ബാറ്റ്സ്മാന്മാർ അധിപത്യം സ്ഥാപിച്ച കളിയിൽ ഹേസൽവുഡ് വിക്കറ്റൊന്നും നേടിയില്ലെന്ന് മാത്രമല്ല നാണക്കേടിന്റെ റെക്കോർഡും സ്വന്തമാക്കി.
നാല് ഓവറിൽ 64 റൺസാണ് താരം വഴങ്ങിയത്. ഇതോടെ ഐപിഎല്ലിൽ ഒരു മത്സരത്തിൽ ഏറ്റവും കൂടുതൽ റൺസ് വഴങ്ങുന്ന ബാംഗ്ലൂർ ബൗളർ എന്നൊരു റെക്കോർഡാണ് ഹേസൽവുഡ് ഇന്നലെ നേടിയത്. ഐപിഎല്ലിൽ ഒരു ബാംഗ്ലൂർ താരത്തിന്റെ ഏറ്റവും മോശം ബൗളിംഗ് പ്രകടനമായിരുന്നു ഇത്.
2016ലെ ഐപിൽ സീസണിൽ 61 റൺസ് വഴങ്ങിയ വാട്സണിന്റെ റെക്കോർഡാണ് താരം മറികടന്നത്. 2019ലെ ഐപിൽ സീസണിൽ കൊൽക്കത്ത നൈറ്റ് റൈഡേഴ്സിനെതിരെ നാലോവറിൽ 61റൺസ് വഴങ്ങിയ ടിം സൗത്തീയും ഈ അനാവശ്യ നേട്ടം സ്വന്തമാക്കിയിട്ടുള്ളതാണ്.
ഈ വാര്‍ത്ത കൂടി വായിക്കാം കോഹ്‌ലിയും നിരാശനാണ്, ഉടൻ ഒരു വലിയ കളി നമ്മൾ കാണാനിരിക്കുന്നു: മൈക്ക് ഹെസൻ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
