ദുബായ്: ഏഷ്യാ കപ്പില് ഹോങ്കോങ്ങിനെതിരായ മത്സരത്തിലെ മെല്ലെപ്പോക്ക് ഇന്നിങ്സിന്റെ പേരില് കെ എല് രാഹുലിനെതിരെ വിമര്ശനം. ഹോങ്കോങ്ങിനെതിരായ രോഹിത്തിനൊപ്പം ഇന്നിങ്സ് ഓപ്പണ് ചെയ്ത കെ എല് രാഹുല് 39 പന്തില് നിന്നാണ് 36 റണ്സ് നേടിയത്.
മധ്യ ഓവറുകളില് രാഹുലും കോഹ്ലിയും താളം കണ്ടെത്താന് പ്രയാസപ്പെട്ടത് ഇന്ത്യയുടെ സ്കോറിങ്ങിനെ ബാധിച്ചിരുന്നു. എന്നാല് പിന്നാലെ ബൗണ്ടറികള് കണ്ടെത്താന് കോഹ്ലിക്ക് സാധിച്ചെങ്കിലും രാഹുല് നിരാശപ്പെടുത്തി.
നമ്മുക്ക് കാണാനാവാത്തതില് നിന്നും മറ്റെന്തെങ്കിലും പിച്ചിലുണ്ടായിരുന്നോ? കെ എല് രാഹുല് പോലൊരാളില് നിന്ന് ഇങ്ങനെ ഒരു സമീപനം അംഗീകരിക്കാന് കഴിയില്ലെന്ന് ഇന്ത്യന് മുന് താരം വെങ്കടേഷ് പ്രസാദ് പറഞ്ഞു. പാകിസ്ഥാനെതിരായ മത്സരത്തില് രാഹുല് ഗോള്ഡന് ഡക്കായിരുന്നു.
മെല്ലെപ്പോക്ക് ഇന്നിങ്സിന്റെ പേരില് നേരത്തേയും രാഹുലിന് നേരെ വിമര്ശനങ്ങള് വന്നിരുന്നു. ഐപിഎല്ലില് രാഹുല് റണ്സ് വാരിക്കൂട്ടുമ്പോഴും ടീമിനെ പലപ്പോഴും തോല്വിയിലേക്ക് തള്ളിവിട്ടിരുന്നത് രാഹുലിന്റെ വേഗം കുറഞ്ഞ ഇന്നിങ്സുകളായിരുന്നു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ