ലണ്ടന്: ചാമ്പ്യന്സ് ലീഗ് കളിക്കുന്ന ക്ലബിലേക്ക് ചേക്കേറാനുള്ള ക്രിസ്റ്റിയാനോ റൊണാള്ഡോയുടെ ശ്രമങ്ങള് ഫലം കാണാതെയാണ് സമ്മര് ട്രാന്സ്ഫര് വിന്ഡോ അവസാനിച്ചത്. പ്രീസീസണ് മത്സരങ്ങള് നഷ്ടപ്പെടുത്തിയ ക്രിസ്റ്റ്യാനോയ്ക്ക് ഇപ്പോള് സ്റ്റാര്ട്ടിങ് ഇലവനിലെ സ്ഥാനം തന്നെ ഉറപ്പില്ലാത്ത അവസ്ഥയാണ്. ഈ സമയം വാം അപ്പിന് ഇടയില് ക്രിസ്റ്റ്യാനോയ്ക്ക് പറ്റിയ അബദ്ധമാണ് സമൂഹമാധ്യമങ്ങളില് വൈറലാവുന്നത്.
ആഴ്സണലിനെ നേരിടാന് പോകുന്നതിന് മുന്പായി ഗ്രൗണ്ടില് വെച്ച് പരിശീലനം നടത്തുമ്പോഴാണ് സംഭവം. ഫ്രഡിനും കസമീറോക്കും ഒപ്പമാണ് ക്രിസ്റ്റ്യാനോ ഇവിടെ പരിശീലനം നടത്തിക്കൊണ്ടിരുന്നത്. ഈ സമയം ബാക്ക് ഹീല് ചെയ്യാനുള്ള ക്രിസ്റ്റ്യാനോയുടെ ആദ്യ ശ്രമം പിഴച്ചു.
പിന്നാലെ പന്തെടുത്ത് കൊണ്ടുവന്ന് വീണ്ടും തന്റെ സ്കില് കാണിക്കാന് ക്രിസ്റ്റ്യാനോ ശ്രമിച്ചെങ്കിലും പന്ത് വീണ്ടും താരത്തിന്റെ ദേഹത്ത് തട്ടി പോയി. ഇതിന്റെ വീഡിയോ സമൂഹമാധ്യമങ്ങളില് വൈറലായി കഴിഞ്ഞു. പ്രീമിയര് ലീഗില് ഈ സീസണില് 6 മത്സരങ്ങള് കളിച്ചപ്പോള് ഒരു വട്ടം പോലും വല കുലുക്കാന് ക്രിസ്റ്റിയാനോയ്ക്ക് കഴിഞ്ഞിട്ടില്ല.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ