നാഗ്പൂര്: ഓസ്ട്രേലിയക്കെതിരായ രണ്ടാം ട്വന്റി20യില് തകര്പ്പന് ജയത്തിലേക്ക് ഇന്ത്യ എത്തിയെങ്കിലും വിരാട് കോഹ്ലിക്ക് അധിക സമയം ക്രീസില് നില്ക്കാനായില്ല. 6 പന്തില് നിന്ന് 11 റണ്സ് എടുത്ത് നില്ക്കെ ആദം സാംപയ്ക്ക് മുന്പില് വീണ് കോഹ്ലി മടങ്ങി. ആദം സാംപയ്ക്ക് മുന്പില് കോഹ്ലി വീണത് ഇത് എട്ടാം വട്ടവും.
രണ്ട് ബൗണ്ടറികളോടെ ആക്രമിച്ച് നിന്ന കോഹ്ലിയെ സാംപ ക്ലീന് ബൗള്ഡാക്കി. കോഹ്ലിയെ ഏറ്റവും കൂടുതല് വട്ടം പുറത്താക്കുന്ന ഓസീസ് ബൗളര് എന്ന നേട്ടം ഇതോടെ ആദം സാംപയുടെ പേരിലായി. പാറ്റ് കമിന്സ് ആയിരുന്നു ഇതുവരെ കോഹ് ലിക്ക് മേല് ആതിപത്യം പുലര്ത്തിയ ബൗളര്. 28 ഇന്നിങ്സില് നിന്ന് കോഹ്ലിയെ കമിന്സ് മടക്കിയത് 7 വട്ടവും.
സാംപയ്ക്ക് എതിരെ നാഗ്പൂരില് ട്രാക്കിന് പുറത്തേക്കിറങ്ങി കളിക്കാനായിരുന്നു കോഹ്ലിയുടെ ശ്രമം. എന്നാല് കോഹ്ലിയുടെ ബാറ്റിനും പാഡിനും ഇടയിലൂടെ പന്ത് സ്റ്റംപ് ഇളക്കി. ട്വന്റി20യില് ഇത് മൂന്നാം വട്ടമാണ് കോഹ്ലിയെ സാംപ പുറത്താക്കുന്നത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ