ചെന്നൈ: 16 വര്‍ഷം നീണ്ട ഐപിഎല്‍ കരിയറില്‍ ഒരു അനുപമ നേട്ടം പിന്നിട്ട് ചെന്നൈ സൂപ്പര്‍ കിങ്‌സ് ക്യാപ്റ്റന്‍ മഹേന്ദ്ര സിങ് ധോനി. ഐപിഎല്ലില്‍ 5000 റണ്‍സുകള്‍ തികച്ചാണ് ധോനി നേട്ടം സ്വന്തമാക്കിയത്. ലഖ്‌നൗ സൂപ്പര്‍ ജയ്ന്റ്‌സിനെതിരെയാണ് ധോനി നാഴികക്കല്ല് പിന്നിട്ടത്.
ഈ നേട്ടം തൊടുന്ന അഞ്ചാമത്തെ ഇന്ത്യന്‍ താരമാണ് തല. ആകെ ഏഴാമത്തെ താരവും. വിരാട് കോഹ്‌ലി, ശിഖര്‍ ധവാന്‍, ഡേവിഡ് വാര്‍ണര്‍, രോഹിത് ശര്‍മ, സുരേഷ് റെയ്‌ന, എബി ഡിവില്ല്യേഴ്‌സ് എന്നിവരാണ് നേരത്തെ ഐപഎല്ലില്‍ 5000 കടമ്പ പിന്നിട്ടവര്‍. 236 മത്സരങ്ങള്‍ കളിച്ചാണ് ധോനി നേട്ടം തൊട്ടത്.
ലഖ്‌നൗ സൂപ്പര്‍ ജയ്ന്റ്‌സിനെതിരായ പോരാട്ടത്തില്‍ മൂന്ന് പന്തില്‍ 12 റണ്‍സുമായി താരം മടങ്ങിയിരുന്നു. വിലപ്പെട്ട 12 റണ്‍സാണ് താരം ബോര്‍ഡില്‍ ചേര്‍ത്തത്. ഇതോടെയാണ് 5000 കടമ്പയും ധോനി പിന്നിട്ടത്.
6706 റണ്‍സുമായി കോഹ്‌ലിയാണ് പട്ടികയില്‍ ഒന്നാമത്. 6284 റണ്‍സുമായി ധവാന്‍ രണ്ടാമതും 5937 റണ്‍സുമായി വാര്‍ണര്‍ മൂന്നാമതും 5880 റണ്‍സുമായി രോഹിത് നാലാം സ്ഥാനത്തും നില്‍ക്കുന്നു. റെയ്‌നയാണ് അഞ്ചാം സ്ഥാനത്ത്. ആറാമത് ഡിവില്ല്യേഴ്‌സും നില്‍ക്കുന്നു. റെയ്‌ന 5528 റണ്‍സും ഡിവില്ല്യേഴ്‌സ് 5162 റണ്‍സും ഐപിഎല്ലില്‍ സ്വന്തമാക്കിയിട്ടുണ്ട്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
