ലൈം​ഗിക ആരോപണം; ഗുസ്തി ഫെഡറേഷൻ അധ്യക്ഷൻ ബ്രിജ് ഭൂഷണെ അറസ്റ്റ് ചെയ്യണം; പ്രതിഷേധവുമായി വീണ്ടും താരങ്ങൾ

ന്യൂഡൽഹി: ​ഗുസ്തി ഫെഡറേഷൻ അധ്യക്ഷൻ ബ്രിജ് ഭൂഷണെതിരെ വീണ്ടും താരങ്ങളുടെ പ്രതിഷേധം. ഡൽഹി ജന്തർ മന്ദറിലാണ് താരങ്ങൾ വീണ്ടും പ്രതിഷേധവുമായി രം​ഗത്തെത്തിയത്. 

ബ്രിജ് ഭൂഷണെതിരായ ലൈം​ഗിക ആരോപണത്തിൽ നടപടി ആവശ്യപ്പെട്ടാണ് താരങ്ങൾ രം​ഗത്തെത്തിയത്. ബ്രിജ് ഭൂഷണെ അറസ്റ്റ് ചെയ്യണമെന്ന് താരങ്ങൾ ആവശ്യപ്പെട്ടു. ബജ്റം​ഗ് പുനിയ, സാക്ഷി മാലിക്, വിനേഷ് ഫോ​ഗട്ട് അടക്കമുള്ള താരങ്ങൾ പ്രതിഷേധവുമായി രം​ഗത്തുണ്ട്. 

Delhi | "We have just one issue. The reason for the protest is that nothing has been done so far...We are here to save wrestling. We will sit at 4 pm and talk," says Wrestler Bajrang Punia as he and several other wrestlers head to Jantar Mantar.

"Yes, absolutely - at Connaught… pic.twitter.com/4aDEx3t2Rc

— ANI (@ANI) April 23, 2023

ഏഴ് താരങ്ങൾ അധ്യക്ഷനെതിരെ പരാതി നൽകിയിട്ടും കേസെടുത്തില്ലെന്ന് ആക്ഷേപമുണ്ട്. രണ്ട് ​ദിവസം മുൻപ് പരാതി നൽകിയിട്ടും എഫ്ഐആർ പോലും ഇട്ടില്ലെന്നും താരങ്ങൾ ആക്ഷേപിക്കുന്നു.

ഏഴ് താരങ്ങൾ പരാതി നൽകിയതിന് പിന്നാലെ ഫെഡറേഷന്റെ അധ്യക്ഷ സ്ഥാനത്തു നിന്നു ബ്രിജ് ഭൂഷണെ മാറ്റിയിരുന്നു.  കേസെടുക്കാത്തതിൽ പൊലീസിനോട് ഡൽഹി വനിതാ കമ്മീഷൻ വിശദീകരണം തേടി. 

ഈ വാർത്ത കൂടി വായിക്കൂ 

'എങ്ങനെ തോറ്റു? ഒരു പിടിയുമില്ല സാറേ, എല്ലാം പെട്ടെന്നായിരുന്നു!'- അമ്പരപ്പിക്കുന്ന തോൽവിയിൽ കെഎൽ രാഹുൽ

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ