ലാഹോര്: പാകിസ്ഥാന് സൂപ്പര് ലീഗില് തന്റെ ടീം തോറ്റതിന്റെ നിരാശയില്, അതിന്റെ അരിശം മുഴുവന് മുന്നിലെ കസേരയില് തീര്ത്ത് ഇതിഹാസ പേസര് വസിം അക്രം. പാകിസ്ഥാന് സൂപ്പര് ലീഗില് കറാച്ചി കിങ്സിന്റെ പ്രസിഡന്റും ടീമിന്റെ മെന്ററുമാണ് അക്രം. ടൂര്ണമെന്റില് മോശം പ്രകടനമാണ് ടീം പുറത്തെടുക്കുന്നത്. അഞ്ചില് നാല് മത്സരങ്ങളും അവര് തോറ്റു.
മുള്ട്ടാന് സുല്ത്താനെതിരായ പോരാട്ടത്തില് പരാജയപ്പെട്ടതിന് പിന്നാലെ ഡഗൗട്ടില് തലയില് കൈവച്ച് ഇരിക്കുന്നതിനിടെയാണ് ദേഷ്യത്തോടെ അക്രം മുന്നിലുള്ള കസേര ചവിട്ടിത്തെറിപ്പിച്ചത്. മൂന്ന് റണ്സിനാണ് മത്സരത്തില് കറാച്ചി കിങ്സ് തോല്വി വഴങ്ങിയത്.
കഴിഞ്ഞ വര്ഷവും ടീമിന്റെ പ്രകടനം ദയനീയമായിരുന്നു. അന്ന് പത്ത് മത്സരം കളിച്ചതില് ഒന്പതും തോറ്റു.
ഇത്തവണയും സമാന സാഹചര്യത്തിലൂടെയാണ് ടീം സഞ്ചരിക്കുന്നത്. മുള്ട്ടാനെതിരായ പോരാട്ടത്തില് 197 റണ്സ് പിന്തുടര്ന്ന അവര് പൊരുതി വീഴുകയായിരുന്നു. 193 വരെ അടിച്ചെടുത്തിട്ടും ടീം തോറ്റു. സീസണില് മൂന്ന് മത്സരങ്ങളും ഇത്തരത്തില് വിജയ പ്രതീക്ഷ നല്കി അവസാന ഘട്ടം തുലച്ചു കളയുകയായിരുന്നു.
നിരാശയും ദേഷ്യവും എല്ലാം ചേര്ന്നതോടെയാണ് അക്രത്തിന് നിയന്ത്രണം നഷ്ടപ്പെട്ടത്. ഇതിന്റെ വീഡിയോ വ്യാപകമായി സാമൂഹിക മാധ്യമങ്ങളില് പ്രചരിക്കുന്നുണ്ട്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ