ധാക്ക: നിയന്ത്രണം നഷ്ടപ്പെട്ട് ആരാധകനെ പൊതിരെ തല്ലി ബംഗ്ലാദേശ് ടെസ്റ്റ് ക്യാപ്റ്റനും ഓള്റൗണ്ടറുമായ ഷാകിബ് അല് ഹസന്. ഇംഗ്ലണ്ടിനെതിരായ ഒന്നാം ടി20 പോരാട്ടത്തില് വിജയം സ്വന്തമാക്കിയതിന് പിന്നാലെ നടന്ന ഒരു സ്വകാര്യ ചടങ്ങിനിടെയാണ് സംഭവം. ഇതിന്റെ വീഡിയോ സാമൂഹിക മാധ്യമങ്ങളില് വൈറലാണ്.
മത്സരം കഴിഞ്ഞതിന് പിന്നാലെ നടന്ന ഒരു പരസ്യത്തിന്റെ പ്രചാരണ പരിപാടിക്കിടെയാണ് സംഭവങ്ങള്. ഷാകിബ് പരിപാടിക്കെത്തുമ്പോള് ആരാധകരുടെ തിക്കും തിരക്കുമായിരുന്നു. ഇംഗ്ലണ്ടിനെതിരായ ബംഗ്ലാദേശിന്റെ വിജയത്തെക്കുറിച്ചും ഷാകിബ് സംസാരിച്ചു.
പരിപാടിക്ക് ശേഷം തന്റെ കാറിനടുത്തേക്ക് ആരാധകരുടെ തിരക്കിനിടയിലൂടെ നീങ്ങുകയായിരുന്നു ഷാകിബ്. ആരാധരുടെ ബാഹുല്യം കാരണം സുരക്ഷയൊരുക്കിയതെല്ലാം പാളിപ്പോയി. അതിനിടെ ആരാധകരില് ഒരാള് താരത്തിന്റെ തൊപ്പി എടുത്തു മാറ്റാന് ശ്രമിച്ചു. തൊട്ടുപിന്നാലെയായിരുന്നു തൊപ്പി ഊരി ഷാകിബ് ആരാധകനെ പൊതിരെ തല്ലിയത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ